យល់ម៉េចដែរ បើ Ramos ទៅតោខៀវ Benzema ទៅហង្សក្រហម?
- 2014-12-19 17:31:11
- ចំនួនមតិ 0 | ចំនួនចែករំលែក 0
យល់ម៉េចដែរ បើ Ramos ទៅតោខៀវ Benzema ទៅហង្សក្រហម?
ចន្លោះមិនឃើញ
ថ្មីៗនេះមានព័ត៌មានជាច្រើនបានចុះផ្សាយថាលោក Jose Mourinho កំពុងចរចាជាមួយខ្សែការពារ Sergio Ramos រឿងផ្លាស់មកលេងនៅ Chelsea រដូវកាលក្រោយ ខណៈដែល Liverpool វិញ ចង់បាន Karim Benzema ដោយផ្ដល់តម្លៃខ្លួនកប់ពពក ៥០លានផោន។
គេហទំព័រ Daily Express បានបញ្ជាក់ចំពោះរឿងខាងលើនេះថាលោក Mourinho ដែលជាអតីតអ្នកចាត់ការក្រុម Real Madrid និងធ្លាប់ជាមនុស្សជិតស្និទ្ធនឹង Ramos ផងនោះ បាននិងកំពុងពិភាក្សាចរចានាំខ្សែការពារវ័យ២៨ឆ្នាំរូបនេះមក Chelsea រដូវកាលក្រោយ។ ដោយសម្អាងលើហេតុផលថា Ramos នឹងបដិសេធបន្តកុងត្រាថ្មី២ឆ្នាំទៀតដែលផ្ដល់ឱ្យដោយលោក Carlo Ancelotti ស្របពេលកុងត្រាចាស់របស់គេនឹងអស់នៅឆ្នាំ២០១៧។
មួយវិញទៀត រឿង Liverpool ចង់បាន Karim Benzema នោះក៏អីចឹងដែរ ពោលគឺក្រុមហង្សក្រហមកំពុងស្វែងរកខ្សែប្រយុទ្ធថ្មីនៅរដូវកាលដោះដូរកីឡាករខាងមុខ ខណៈដែលការចង់បាននេះលោក Rodgers បានផ្ដល់តម្លៃខ្លួនដល់ខ្សែប្រយុទ្ធជម្រើសជាតិបារាំងរូបនេះដល់ទៅ៥០លានផោន។ នាខែមករាខាងមុខនេះ Liverpool ក៏នឹងអាចលក់ចេញ Mario Balotelli ផងដែរ ដើម្បីបានលុយខ្លះមកបន្ថែមទិញខ្សែប្រយុទ្ធដែលមានសមត្ថភាពពិតៗអាចជួយក្រុមស្ដារមុខមាត់បាន ។
យ៉ាងណាមិញ នេះគ្រាន់តែជាការព្យាករទុកប៉ុណ្ណោះមិនទាន់អាចថាជាការពិតនោះទេ ចាំមើលរដូវកាលដោះដូរកីឡាករដែលបើកនៅខែមករាខាងមុខ ទើបដឹងថានរណាទៅលេងនៅក្លិបណា?
ចុចអាន ៖ តើប្រិយមិត្តគិតថាខ្សែប្រយុទ្ធក្រុមណាមុតស្រួចជាងគេ?
ប្រែសម្រួល៖ មុន្នី រម្យ ប្រភព៖express