បេក្ខភាព ១០ រូប កំពុងឈរជើងកន្លែងផ្សេងគ្នា ក្រោយធ្លាក់ The Voice Cambodia

2014-12-20 13:28:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភពព័ត៌មានឲ្យដឹងថា បន្ទាប់ពីទទួលបរាជ័យលើការប្រកួតប្រជែង The Voice Cambodia ក៏ពិតមែន ប៉ុន្តែបេក្ខជន-បេក្ខនារីមួយចំនួនកំពុងមានទីផ្សារ ដោយច្រៀងនៅទីកន្លែងផ្សេងៗពីគ្នានៅភ្នំពេញ និង ខេត្ត។ ប្រភពធ្លាប់ចូលរួមប្រកួតប្រជែងដដែលនោះ បានឲ្យដឹងទៀតថា ពួកគេមួយចំនួនកំពុងត្រៀមខ្លួនសម្រាប់រដូវកាលទី ២ បន្តទៀត។ ខាងក្រោមនេះជាឈ្មោះបេក្ខជន-បេក្ខនារី១០រូប ដែលប្រភពបានផ្ដល់៖

១. មាស ណារិន៖ បេក្ខជនលេចធ្លោក្នុងវគ្គ Blind Audition ក្នុងបទចម្រៀង "ខ្ញុំសុំស្រវឹង" ពេលនេះច្រៀងនៅ Mango Mango

២. កញ្ញា បាន មុនីល័ក្ខ៖ លេចធ្លោតាមរយៈបទ "ឆ្កួតព្រោះស្នេហ៍បង" សព្វថ្ងៃច្រៀងនៅភោជនីយដ្ឋាន មេគង្គ លឿង

៣. បេក្ខជន ឃុន វុត្ថា៖ បេក្ខជនលេចធ្លោបទចម្រៀង "មិនស្រលាញ់អាណិតធ្វើអ្វី" នេះច្រៀងនៅភោជនីយដ្ឋាន V Friend។

៤. កញ្ញា ប៉ាច គីមមួយ៖ សំឡេងស្រដៀងកញ្ញា ឱក សុគន្ធកញ្ញា លេចធ្លោតាមរយៈបទ"មានចម្រៀងមួយណាធ្វើឲ្យបងនឹកអូន" សព្វថ្ងៃច្រៀងនៅ ណាហ្គាវើល។

៥. ប្រុក ចាន់ថន ៖ បេក្ខជនកម្សត់ពិការភ្នែកទាំងសងខាងមកពីខេត្តកំពង់ចាម សព្វថ្ងៃក្លាយជាអ្នកចម្រៀងក្នុងផលិតកម្ម BKS បានចេញបទ "ពិការកាយ មិនពិការចិត្ត"។

៦. កញ្ញា ពេជ្រ ស៊ីកា៖ ធ្លាប់លេចធ្លោតាមរយៈបទ " ស្រឡាញ់គឺហានលះបង់" ។ ប្រភពមិនបញ្ចេញឈ្មោះប្រាប់ថា ក្លាយជាតារាចម្រៀងនៅផលិតកម្ម BKS។

៧. ឆាយ សាវី ៖ ឆ្លងផុតវគ្គ Blind Audition តាមរយបទ "ភ្នំពេញនឹកកំពង់ចាម"។ បេក្ខជនអភ័ព្វត្រូវភ្លើងឆេះខូចសម្រស់តាំងពីក្មេង កំពុងច្រៀងនៅភោជនីយដ្ឋានបរទេសមួយនៅខេត្តសៀមរាប ដើម្បីចិញ្ចឹមម្ដាយ។

៨. កញ្ញា ចំរើន សុភ័ក្រ៖ ឆ្លងផុតវគ្គ Blind Audition តាមរយៈបទ" គ្មានថ្ងៃអូនមិនយំ" ដ៏ពីរោះមិនចាញ់ម្ចាស់ដើម។ កញ្ញាក៏ក្លាយជាតារាចម្រៀងក្នុងផលិតកម្មBKSដូចគ្នាដែរ។