កែវ កុសលព្រឹកនេះ ចោល នី មន្នីនាថ

2014-12-20 16:29:55
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាសម្ដែង លោក កែវ កុសល ដែលល្បីថា មានទំនាក់ទំនងយ៉ាងជ្រាលជ្រៅជាច្រើនឆ្នាំហើយជាមួយ កញ្ញា នីមន្នី នាថ នោះ នៅព្រឹកនេះបានសម្រេចចិត្តភ្ជាប់ពាក្យជាមួយនារីផ្សេងហើយ។

តាមបណ្ដាញសង្គមព្រឹកនេះដោយលោក ព្រីង ច័ន្ទបុត្រ ដែលបានទៅចូលរួមក្នុងពិធីភ្ជាប់ពាក្យនោះ បង្ហោះរូបថតជាមួយ កែវ កុសល ហើយសរសេរថា "ភ្ជាប់ពាក្យបងប្រុសកែវ-កុសល 20.12.14”។ លោកកែវ កុសល ជាអតីតតារាសម្ដែងម្នាក់ជំនាន់លោក ព្រីង ច័ន្ទបុត្រ លោកបានចេញទៅរស់នៅ សហរដ្ឋអាមេរិក ជាច្រើនឆ្នាំមកហើយ ក្រោមការជួយជ្រោមជ្រែង លោក អ៊ូ យ៉ានណារ៉ា ដែលជាបងធម៌របស់លោក តែតារារូបនេះនៅតែចេញចូលស្រុកកំណើតជាញឹកញាប់។

លោក កែវ កុសល ត្រូវបានគេដឹងថា មានទំនាក់ទំនងស្នេហាយ៉ាងស្អិតល្មួតជាមួយ កញ្ញា នី មន្នីនាថជាច្រើនឆ្នាំមកហើយ ។ ទំនាក់ទំនងនេះតាមប្រភពច្បាស់ការបានឲ្យដឹងថា ទើបតែដាច់ស្រេចគ្នាកាលប៉ុន្មានខែនេះប៉ុណ្ណោះ។

គូរដណ្ដឹង ដែលលោក កែវ កុសល ភ្ជាប់ពាក្យនៅព្រឹកនេះ ត្រូវបានប្រភពរាយការណ៍ថា មិនមែននៅក្រមុំឡើយ គឺជាមេម៉ាយកូន១ មានមុខរបរជាថៅកែហាងកាត់ដេរមួយកន្លែង នៅតាមបណ្ដោយផ្លូវកម្ពុជាក្រោម ។ ចំពោះការថ្ងៃរៀបការរបស់អតីតតារាសម្ដែងរូបនេះ ប្រភពបញ្ជាក់ថា នៅមិនទាន់ដឹងច្បាស់នៅឡើយ។