ដឹងតារាប្រុសៗចូលខារ៉ាអូខេឲ្យលុយធីបនាងៗប៉ុន្មានអត់?

2014-12-19 16:48:57
ចំនួនមតិ 0 | ចំនួនចែករំលែក 0

ចន្លោះមិនឃើញ

កុំថានាងៗ ឃើញតារាល្បីចូលខារ៉ាអូខេសប្បាយចិត្តនោះ មានអ្នកខ្លះរត់ចេញ អ្នកខ្លះចូលដោយសារតែគ្មានជម្រើស ព្រោះតារាប្រុសៗហ្នឹង ភាគច្រើនចង់ស៊ី Free Free អាងខ្លួនឯងតារា លុយធីបមានតិចណាស់ មិនច្រើនដូចតាតាទេ នាងៗអាចចូលដើមក៏មាន។ នេះជាការលើកឡើងរបស់មេការខារ៉ាអូខេល្បីឈ្មោះមួយកន្លែង ដែលតារាប្រុសៗនិយមចូល ប្រាប់Sabayព្រឹកនេះ។

រូបតំណាង

មេការខារ៉ាអូខេខាងលើសូមមិនបញ្ចេញអត្តសញ្ញាណបានបន្តថា កន្លែងខារ៉ាអូខេរបស់ខ្លួនសម្បូរតារាៗ ថៅកែក៏ដូចជាឯកឧត្ដម ឧស្សាហ៍ចូលណាស់ ព្រោះមានស្រីស្អាតៗហើយទីតាំងលក្ខណៈស្តង់ដារថែមទៀតផង។

និយាយពីរឿងតារាប្រុសៗមួយចំនួនវិញ មេការរូបនោះប្រាប់ថា ពេលចូលម្ដងៗនាងៗដែលស្គាល់ គឺតែងតែលាក់មុខជានិច្ច ការរត់ពួនលាក់មុខមិនចង់ជួបនេះ ក៏ព្រោះតែនាងៗធ្លាប់ចូលជាក្រុមនោះម្ដងជា២ដងមកហើយ គឺមិនដែលចំណេញទេ មានតែខាតដើមថែមទៀត។

មេការនិយាយបន្ដទៀតថា តារាប្រុសភាគច្រើនពូកែលួងលោមណាស់ នាងៗតែងតែបាក់ដោយសារតែសម្ដីផ្អែមទាំងនោះ អ្នកខ្លះសន្យាឲ្យនេះឲ្យនោះ ឬ នាំចូលសិល្បៈជាដើម។ ពេលខ្លះនាំនាងៗ ចេញទៅក្រៅមិនត្រឹមតែមិនឲ្យលុយធីបទេ ថែមទាំងឲ្យនាងចេញថ្លៃបន្ទប់សណ្ឋាគារ ឬផ្ទះសំណាក់ថែមទៀតផង។ តែបើមានឲ្យក៏មិនច្រើនដែរ ត្រឹម ១០ ទៅ ២០ ដុល្លារប៉ុណ្ណោះ ខុសប្លែកពីតាតាច្រើនណាស់។

មេការមានបទពិសោធន៍ខាងនាំស្រីឲ្យភ្ញៀវខាងលើបន្ថែមជាចុងក្រោយថា បើតារាសក់ល្បាយអាចម៍ខ្លាវិញ ឲ្យធីបម្ដងៗ ២០ ទៅ ៥០ ដុល្លារ ឬអាចឈានដល់ ១០០ ដុល្លារ ក៏មានអាស្រ័យលើសេវាល្អ ហើយនាងឃើញតាៗ សប្បាយចិត្តជាងឃើញតារាប្រុសៗ ចូលខ្លាំងណាស់៕

អានអត្ថបទ៖ បូនីតា ដាដេណា ទម្លាយរឿងបានប្ដីជាសេដ្ឋីអារ៉ាបក្នុងថ្ងៃខួប អានអត្ថបទ៖ ប្លុកខារ៉ាអូខេថ្មីមហាធំនៅភ្នំពេញប្លែកភ្នែកបើមិនធ្លាប់ទៅដល់

អត្ថបទ៖ ខុត សីហា