ក្រុមចម្រៀងស្រី After School មានអ្នកដើរចេញទៀតហើយ

2014-12-22 22:18:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿងគួរឱ្យសោកស្ដាយសម្រាប់ក្រុម After School បន្ទាប់ពី Kahi ចាកចេញ ឥលូវមានដំណឹងច្បាស់ការមួយទៀតថា តារាចម្រៀងស្រី Jooyeon នឹងឈប់ពីក្រុមនេះ នៅថ្ងៃទី៣១ ខែធ្នូ ខាងមុខ។

អ្នកតំណាងរបស់ Jooyeon បានឱ្យដឹងថា៩ថ្ងៃទៀត Jooyeon នឹងចេញជាផ្លូវការពីផលិតកម្ម Pledis Entertainment ក្រោយនាងមិនចង់បន្តកុងត្រា។ កាលវិភាគ និងព្រឹត្តិការណ៍ប្រគំតន្ត្រី ចុងក្រោយរបស់តារាវ័យ២៧ឆ្នាំរូបនេះ នឹងធ្វើឡើងនៅឱកាសចូលឆ្នាំចិនក្នុងប្រទេសចិន។

ប្រភពផ្ទៃក្នុងមួយបាននិយាយថា Lee Jooyeon នឹងសាកល្បងអាជីពផ្សេងៗដូចជា ការសម្ដែង ក្រោយបញ្ចប់កុងត្រាជាមួយក្រុម After School ។ តាំងពីបង្កើតក្នុងឆ្នាំ២០០៩មកដល់ថ្ងៃនេះ ក្រុមចម្រៀងស្រី After School មានអ្នកដើរចេញបួននាក់ហើយ គឺ Soyoung ចេញឆ្នាំ២០០៩, Bekah ឆ្នាំ២០១១ និង Kahi ឆ្នាំ២០១២។

បច្ចុប្បន្នក្រុមនេះនៅសល់សមាជិកដូចជា Jungah សមាជិកដំបូងគេបង្អស់, Jooyeon, Uee , Raina ,Nana , Lizzy ,E-Young និង Kaeun៕