DJ ស្រី​វៀតណាម​២​រូប Oxy (Cu Thi Ngoc) និង King Lady បាន​ជាប់​ជា​កំពូល Female DJ លើ​តារាង FDJS ក្នុង​ចំណោម DJ ស្រី ១០០​នាក់​ជុំវិញ​ពិភពលោក កាល​ពី​ពេល​កន្លង​មក។

តារា​ទាំងពីរ​នេះ កើត​នៅ​ឆ្នាំ​១៩៩៣។ Oxy ឈរ​នៅ​លេខរៀង​ទី​២៤ ខណៈ King Lady ឈរ​នៅ​លេខរៀង​ទី​៩៥។ ចំណាត់​ថ្នាក់​​នេះ ត្រូវ​បាន​​ចុះផ្សាយ​ដោយ ​គេហទំព័រ Thefdjlist.com។

Oxy ចាប់​ផ្ដើម​ការងារ​នៅ​វ័យ​១៦​ឆ្នាំ ហើយ​បាន​ក្លាយ​ជា DJ ល្បី​ក្នុង​ស្រុក។ តារា​វ័យ​២១​ឆ្នាំ​រូបនេះ ប្រាប់​សារព័ត៌មាន​វៀតណាម Zing News ថា នាង​សប្បាយ​ចិត្ត​ណាស់ ដែល​បាន​ជាប់​​ជា DJ ល្បី​មួយ​រូប​ក្នុង​ចំណោម​១០០​នាក់​ ជា​លើក​ដំបូង។

បើ​យោង​តាម​ Zing News នាង Oxy និង King Lady ជា​មិត្ត​ជិតស្និទ្ធ​នឹង​គ្នា ហើយ​ជា​ធម្មតា ពួកគេ​តែង​សំដែង​នៅ​ព្រឹត្តិការណ៍​ធំៗ​ជាមួយ​គ្នា។

កម្មវិធី Female DJ បាន​ធ្វើឡើង​ចាប់​ពី​​ថ្ងៃ​ទី​៣០ ខែ​កញ្ញា ដល់​ថ្ងៃ​ទី​៣ ខែ​វិច្ឆិកា ឆ្នាំ​២០១៤ តាមរយៈ​​ការបោះ​ឆ្នោត​ ពី​អ្នក​ចូល​ចិត្ត​តន្ត្រី​ជុំវិញ​ពិភពលោក។

DJ ស្រី​ដែល​ល្បី​ខ្លាំង​ជាងគេ គឺ​លេខ​១ DJs Nervo មក​ពី​អូស្ត្រាលី លេខ​២ Sabrina Terence មក​ពី​អាល្លឺម៉ង់ និង​លេខ​៣ Havana Brown មក​ពី​អូស្ត្រាលី៕

DJ  Oxy

វីដេអូ​តារា​ស្រី​ស្លៀក​បញ្ចេញ​គល់ភ្លៅ ញាក់​សាច់!

តារា​ស្រី​ស្លៀក​ចេញ​​សាច់​ទ្រូង គល់ភ្លៅ ចូល​កម្មវិធី​ទាំង​គេ​មិន​អញ្ជើញ

ប្រែ​សម្រួល៖ អ៊ុំ សុភក្តិ ប្រភព៖ Tuoitrenews