តារាស្រីស្លៀកចេញសាច់ទ្រូង គល់ភ្លៅ ចូលកម្មវិធីទាំងគេមិនអញ្ជើញ

2014-12-19 16:35:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសំញែងខ្លួនសិចស៊ី No Soo Ram បានក្លាយជាប្រធានបទក្ដៅគគុក និងត្រូវគេចោទប្រកាន់ថា លុកលុយរំខាន បន្ទាប់ពីបង្ហាញខ្លួនក្នុងកម្មវិធី Blue Dragon Film Awards ដោយគ្មានលិខិតអញ្ជើញ ក្នុងពេលថ្មីៗនេះ។

បើយោងតាមក្រុមអ្នកតំណាងកម្មវិធីខាងលើ No Soo Ram ជាតារាមួយរូបគ្មានឈ្មោះ ក្នុងលិខិតអញ្ជើញទេ ហើយពួកគេក៏មិនអាចធ្វើអ្វីកើតដែរ ព្រោះនាងបានស្លៀកពាក់យ៉ាងសិចស៊ី ចូលរួមកម្មវិធីប្រគល់ពាននេះទៅហើយ។

បន្ទាប់ដឹងថា Ram មិនត្រូវបានគេអញ្ជើញ មានសារព័ត៌មានជាច្រើន បានសរសេរវាយប្រហារថា នាងគ្រាន់ចង់ដើរលើកម្រាលក្រហមប៉ុណ្ណោះ តែមិនចូលរួមកម្មវិធីទេ។ ទោះបីជាយ៉ាងណា Agency របស់នាងបានហៅការចុះផ្សាយទាំងនេះ ថា ជាការចុះផ្សាយគ្មានហេតុផល។

Agency និយាយថា៖" អត្ថបទនិយាយថា Ram គ្រាន់តែចង់ដើរលើកម្រាលក្រហមនោះ គឺមិនទំនង និងគ្មានហេតុផល។ នាងបានចូលរួមកម្មវិធី និងបានទស្សនាទៀតផង"។

ពួកគេបន្តថា ពួកគេមិនទទួលបានការទាក់ទងពីតំណាងកម្មវិធីទេ ប៉ុន្តែ Ram ត្រូវបានគេអញ្ជើញតាមរយៈ អ្នកស្គាល់គ្នាក្នុងវិស័យសិល្បៈម្នាក់។

ដោយឡែកតារានិយមភាពសិចស៊ី បានថ្លែងក្នុងបទសម្ភាសន៍ថា ៖" តាមពិតទៅ វាអាចទៅរួចទេដែលតារាស្រីម្នាក់ស្លៀកពាក់ស្អាតចូលរួមកម្មវិធី ដោយគ្មានការអញ្ជើញនោះ? វាជារឿងមិនទំនង ហើយគ្មានមនុស្សធម្មតានឹកឃើញធ្វើរឿងអញ្ចឹងទេ"។

នាងបន្ថែម៖ " និយាយដោយស្មោះ នេះគ្រាន់តែជាវិធីដែលខ្ញុំគិតថា អាចទាក់ទាញចំណាប់អារម្មណ៍ (ពីមហាជន) ប៉ុណ្ណោះ។ ជាធម្មតាខ្ញុំមានសុទ្ធិដ្ឋិនិយមណាស់ ហើយខ្ញុំរស់នៅនឹងគំនិតបែបនេះរហូតមក។ ខ្ញុំចង់ឲ្យមហាជនចាប់អារម្មណ៍មកលើខ្ញុំតាមវិធីមួយនេះ"។

ក្នុងឱកាសនោះដែរ តារាស្រីរូបនេះ បានក្លាយជាតារាដែលគេ Search ច្រើនបំផុតលើអនឡាញនៅកូរ៉េខាងត្បូង ក្រោយនាងស្លៀកពាក់សិចស៊ី ឃើញសាច់ទ្រូង និងគល់ភ្លៅគួរឱ្យគ្រឺត៕

ចុចអាន៖ លិចទូក ស្លាប់មនុស្សម្នាក់ពេលកំពុងថតរឿងថ្មីរបស់ ឈិនឡុង (វីដេអូ)

ចុចអាន៖ ថតរឿងប្ដីប្រពន្ធយូរៗទៅ Ha Ji Won ចង់លេងមែនទែន

ប្រែសម្រួល៖ អ៊ុំ សុភក្តិ ប្រភព៖ Allkpop