តារា ស្រី-ប្រុស ១៨ ដួងត្រៀមទទួលពានល្ងាចស្អែក!

2014-12-23 16:49:59
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រី-ប្រុសខ្មែរ ១៨ ដួង ត្រៀមទទួលពានល្ងាចស្អែកក្នុងកម្មវិធី Apsara Award 2014 រៀបចំឡើងនៅសាលសន្និសីទ ចតុមុខ។

កម្មវិធីនេះនឹងមានការចូលរួមផ្ដល់កិត្តិយសពីសំណាក់ រដ្ឋមន្ត្រីក្រសួងព័ត៌មាន ឯកឧត្ដម ខៀវ កាញារីទ្ធ និង រដ្ឋមន្ត្រីក្រសួង វប្បធម៌ និង វិចិត្រសិល្បៈលោកជំទាវ ភឿង សកុណា។

ពិធីករ សុខ សេរីវឌ្ឍនា មានឈ្មោះក្នុងការទទួលពាន Apsara Award ល្ងាចស្អែកដែរ និយាយថា ពេលនេះលោក និង សិល្បករ សិល្បការិនី ១៧នាក់ផ្សេងទៀតកំពុងហាត់សមជុំគ្នាដើម្បីសម្ដែងក្នុងកម្មវិធីប្រគល់ពានខាងលើ។

លោក បញ្ជាក់ថា៖ “ពួកខ្ញុំទាំង ១៨នាក់កំពុងហាត់ជុំគ្នាដើម្បីធ្វើយ៉ាងណាសម្ដែងឱ្យបានល្អនាថ្ងៃប្រគល់ពាន់យប់ស្អែកនេះ"។

សុខ សេរីវឌ្ឍនា និងតារាស្រី-ប្រុសផ្សេងទៀតកំពុងហាត់សមត្រៀមសម្ដែងល្ងាចស្អែក រូបថត៖ FB វឌ្ឍនា

សិល្បករ សិល្បការិនី ទាំង១៨ ដួងត្រៀមទទួលពានស្អែកមានស្រី៩ដួង និងប្រុស៩ ដួងមានដូចជា កញ្ញា ញឹម ចាន់ថន ចាន់ ស្រីរ័ត្ន នៅ សុនីតា ឡោម លក្ខិណា អាន អាលីហ្សា ពៅ លីដា ថន លក្ខិណា ដួង ម៉ាណា និង ព្រីម បន្ថា។

ដោយឡែកបេក្ខភាពប្រុសវិញមានដូចជាលោក សុខ សេរីវឌ្ឍនា ឡាយ អ៊ិន អ៊ុន សិទ្ធា អេឡិច ហ្សូរ៉ា បញ្ញា សិទ្ធិ វី ជីវ័ន្ត ប៉ែន ភ័ក្រសុភារិទ្ធ យុន សុភ័ក្រ្ត និង សាយ រយៈ។

តាមគម្រោងឆ្នាំ ២០១៤ នេះ កម្មវិធី Apsara Award មានបេក្ខភាពទទួលពានស្រី១០ដួង និងប្រុស១០ដួង ប៉ុន្តែមានតារាពីរដួងបានអវត្តមាននាយប់ស្អែកនេះគឺកញ្ញា លី ច័ន្ទសីហា និងលោក អង់ ឆាយទី។

ការអវត្តមានថ្ងៃប្រគល់ពានយប់ស្អែកពីរសំណាក់តារាទាំងពីរដួងត្រូវលោក សុខ សេរីវឌ្ឍនា បញ្ជាក់ថា ដោយសារតែម្នាក់បានដកបេក្ខភាព និងម្នាក់ទៀតមានបេសកកម្មនៅក្រៅប្រទេស។

“លី ច័ន្ទសីហា គាត់ទៅសម្ដែងនៅ អូស្ត្រាលី ហើយ អង់ ឆាយទី ដកខ្លួនចេញ ចឹងហើយយប់ស្អែកមានតែ ១៨ដួងទេចូលរួមទទួលពាន"។ លោក សុខ សេរីវឌ្ឍនា បន្ថែម។

កម្មវិធី Apsara Award រៀបចំម្ដងរួចមកហើយកាលពីឆ្នាំ២០១៣កន្លងទៅ ដោយមានតារាស្រី-ប្រុស២០ទទួលពានទៅតាមជំនាញរៀងៗខ្លួន។ ឆ្នាំ២០១៤ ក៏មានតារា២០ដួងដែរត្រូវចូលរួមទទួលពាន តែអវត្តមានពីរដួង។សម្រាប់ឆ្នាំ២០១៥ កម្មវិធីគ្រោងនឹងជ្រើសរើសបេក្ខភាពស្រី-ប្រុស ២០ដួងទៀតដើម្បីទទួលពាន៕

អានអត្ថបទបន្ត៖ សម្រស់ វ៉ាង ស្រីណូ ជាមួយម៉ូដសំលៀកបំពាក់ស្អាតៗសម

អានអត្ថបទបន្ត៖ DJ សិចស៊ីវៀតណាម២រូបជាប់ជាកំពូល DJ ស្ត្រីទាំង ១០០

អានអត្ថបទបន្ត៖ តារា K-Pop ទាំង១១ដួងតុបតែងខ្លួនត្រៀមស្វាគមន៍ពិធី

អត្ថបទ៖ អ៊ីង សុឡា រូបថត៖ Facebook សុខ សេរីវឌ្ឍនា