ធ្លាយរឿង តារាប្រុសៗមួយចំនួន លួចលាក់ទៅធ្វើការជាបុរសម៉ាស្សា

2014-12-23 17:50:18
ចំនួនមតិ 0 | ចំនួនចែករំលែក 0

ចន្លោះមិនឃើញ

បើ និយាយពីរឿងម៉ាស្សា លោកអ្នកប្រហែលជាបានដឹងខ្លះ ព្រោះមុខរបរនេះ មួយចំនួនធំមានស្លាកយីហោតាំងបង្ហាញ ហើយអ្នក ធ្វើការជាអ្នកម៉ាស្សាឲ្យភ្ញៀវភាគច្រើនជានារី ឬ ជនពិការជាដើម។ តែ Sabay លើកមកនិយាយព្រឹកនេះ គឺកន្លែងម៉ាស្សាបុរស ដែលកន្លែងនោះ ជាកន្លែងដែលបុរសៗ និយមចូលទៅម៉ាស្សាតែម្ដង ហើយអ្នកដែលធ្វើការជាអ្នកម៉ាស្សាមួយចំនួនជាតារាប្រុសៗ ដោយពួកគេឆ្លៀតទៅធ្វើការងារដើម្បីរកកម្រៃ បន្ថែមក្រៅពីការងារសិល្បៈ។

រូបតំណាង

ប្រភពច្បាស់ការមួយ ដែលសុំមិនបញ្ចេញឈ្មោះបានឲ្យដឹងថា គេអាចមើលដឹងថា ជាកន្លែងម៉ាស្សាបុរស តាមរយៈការប្រាប់តៗគ្នាពីមិត្តភ័ក្ដិ ប៉ុន្តែក៏មានកន្លែងខ្លះមានលើកស្លាកយីហោតែម្ដង។ ប្រភពនោះ បានប្រាប់ទៀតថា មិនត្រឹមតែ ម៉ាស្សាមួយមុខឡើយ គឺមាន ស្ទឹម សួណា ឬ អាចលើសពីម៉ាស្សាក៏មាន។

ចំពោះតម្លៃវិញ អាស្រ័យទៅតាមកន្លែង ដែលមាន គឺ ១ ម៉ោងចាប់ពី ៣ ដុល្លារ រហូតដល់ទៅ ១០ ដុល្លារ ឬ អាចមានដល់ទៅ ២០ ដុល្លារ ក៏មាន ប្រសិនបើអ្នកដែលម៉ាស្សាឲ្យគេនោះ ជាតារា។

ប្រភពខាងលើបានរាយការណ៍មកថា កន្លែងម៉ាស្សាបុរសនោះភាគច្រើនស្ថិតក្នុងខណ្ឌ ចំការមន មាននៅជិតផ្សារទួលទំពូង ២ កន្លែង ជិតឡានទឹក ២ កន្លែង ក្នុងខណ្ឌដូនពេញក៏មានដែរ តែមិនសូវច្រើន។ ហើយទីតាំងស្ថិតនៅកន្លែងស្ងាត់ៗ ដោយសារតែនៅសង្គមខ្មែរនៅមិនទាន់បើកទូលាយនៅឡើយ រឿងមនុស្សស្រលាញ់ភេទដូចគ្នានេះ។

ប្រភពនោះបញ្ជាក់ថា តារាដែលធ្វើជាអ្នកម៉ាស្សានោះមិនមានច្រើនឡើយ ហើយពួកគេភាគច្រើនចូលមកធ្វើការងារនេះ លុះត្រាតែតម្រូវការប្រាក់ខ្លាំង។ ចំពោះអ្នកចូលមករកសេវានេះ ភាគច្រើនក្រុមមនុស្សស្រលាញ់ភេទដូចគ្នា តែក្នុងនោះក៏មានស្រីចូលទៅរកសេវានេះផងដែរ។ អ្នកដែលធ្វើការជាអ្នកម៉ាស្សា អាចរកប្រាក់បានចម្លោះពី ៣០០ ទៅ ១០០០ ដុល្លារក្នុងមួយខែ អាស្រ័យទៅតាមកន្លែងដែលពួកគេធ្វើការ និង ការហ៊ានលើសពីការងារម៉ាស្សា៕

អានអត្ថបទ៖ ព្រឹត្តិការណ៍ប្រឡងចម្រៀងថ្មី អមដោយតារាចម្រៀងលំដាប់កំពូលៗចូលរួមសម្ដែង!

អត្ថបទ៖ ខុត សីហា