ចិនសម្រេចចោទប្រកាន់កូនប្រុស ឈិន ឡុង រឿងគ្រឿងញៀន

2014-12-23 18:32:51
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃចន្ទនេះ រដ្ឋអាជ្ញានៃតុលាការប្រទេសចិន បានសម្រេចធ្វើការចោទប្រកាន់ទៅលើកូនប្រុសរបស់តារាភាពយន្តហូលីវូដដ៏ល្បី Jackie Chan (ឈិន ឡុង) គឺ Jaycee Chan ពាក់ព័ន្ធការផ្ដល់កន្លែងឲ្យគេប្រើប្រាស់គ្រឿងញៀន។ ការចោទប្រកាន់ពីតុលាការនេះ គឺជាង៤ ខែ ក្រោយពី Jaycee Chan ត្រូវបានគេឃុំខ្លួន។

Jaycee Chan

Jaycee Chan មានអាយុ ៣២ ឆ្នាំ ជាតារាភាពយន្តម្នាក់ ក្នុងចំណោមតារាជាច្រើនរូបផ្សេងទៀត ដែលបានប្រព្រឹត្តបទល្មើស ទាក់ទងការសេពគ្រឿងញៀន និងការអនុញ្ញាតឲ្យមានការជួញដូរផ្លូវភេទ។ ចំពោះករណីទាំងពីរនេះ ក្រុងប៉េកាំងកំពុងចាត់វិធានការតឹងរ៉ឹងបំផុត ដើម្បីសម្អាតអំពើអសន្តិសុខសង្គមឲ្យមានរបៀបរៀបរយឡើងវិញ។

បទល្មើសរបស់ Jaycee Chan លើកនេះ ពិតជាធ្វើឲ្យ ឈិន ឡុង ដែលជាឪពុកមានភាពអាម៉ាស់មុខចំពោះអ្នកគាំទ្ររូបលោកមិនស្ទើរទេ ខណៈ Jackie Chan ក៏ត្រូវបានប្រទេសចិនសម្រេចតែងតាំងជា ឯកអគ្គរដ្ឋទូតប្រឆាំងនឹងគ្រឿងញៀនកាលពីឆ្នាំ ២០០៩ កន្លងទៅទៀតនោះ។

កាលពីពេលកន្លងមក ក្រុមភ្នាក់ងារប៉ូលិសបានចុះទៅដល់កន្លែងកើតហេតុភ្លាមនៅក្នុង Apartment មួយកន្លែង នៅក្រុងប៉េកាំង បន្ទាប់ពីដឹង Jaycee Chan និងមិត្តភ័ក្ដិម្នាក់ទៀតជាតារាសម្ដែងតៃវ៉ាន់ Ko Kai កំពុងសម្ងំប្រើប្រាស់កញ្ឆា។ ទាំងពីរនាក់នេះ ត្រូវបានក្រុមអ្នកជំនាញធ្វើតេស្ត ហើយពិតជារកឃើញថាពួកគេសេពគ្រឿងញៀនមែន។ បរិមាណថ្នាំញៀន ដែលពួកគេប្រើប្រាស់មានជាង ១០០ ក្រាម ដោយបានយកមកពីផ្ទះ Jaycee Chan។