វៀតណាមបញ្ចុះថ្លៃសាំងទាបបំផុត បើគិតត្រឹម ៤ឆ្នាំចុងក្រោយ
- 2014-12-24 13:36:04
- ចំនួនមតិ 0 | ចំនួនចែករំលែក 0
វៀតណាមបញ្ចុះថ្លៃសាំងទាបបំផុត បើគិតត្រឹម ៤ឆ្នាំចុងក្រោយ
ចន្លោះមិនឃើញ
កាលពីថ្ងៃចន្ទកន្លងទៅ ក្រុមហ៊ុនចែកចាយប្រេងឥន្ធនៈវៀតណាម(Petrolimex) បានបញ្ជាក់ថា សាំងទូទាំងប្រទេសត្រូវបញ្ចុះថ្លៃបន្ថែមទៀត ដែលធ្វើឲ្យតម្លៃសាំងបច្ចុប្បន្នធ្លាក់នៅទាបបំផុត បើគិតត្រឹមរយៈពេល ៤ឆ្នាំចុងក្រោយ។
ប្រភពរូបភាព៖ english.thesaigontimes.vn
នេះគឺជាការបញ្ចុះថ្លៃលើកទី១៣ ហើយក៏ជាការបញ្ចុះថ្លៃច្រើនជាងគេផងដែរ បើគិតតាំងពីពាក់កណ្ដាលខែកក្កដាមក។ តម្លៃសាំងធម្មតាត្រូវបញ្ចុះថ្លៃ ២០៥៨ដុង បន្ថែមលើតម្លៃចាស់ ដែលធ្វើឲ្យតម្លៃសាំងបច្ចុប្បន្ននៅសល់ត្រឹម ១៧៨៨១ដុង(០.៨៣ដុល្លារ) ក្នុងមួយលីត្រ។ ប្រេងម៉ាស៊ូត ត្រូវបញ្ចុះថ្លៃ ១៤១៤ដុង បន្ថែមលើតម្លៃចាស់ ដែលធ្វើឲ្យតម្លៃបច្ចុប្បន្ននៅសល់ត្រឹម ១៦៩៩៩ដុង(០.៨០ដុល្លារ) ក្នុងមួយលីត្រ។ ចំណែកឯប្រេងកាត ត្រូវបញ្ចុះថ្លៃ ១៥៧១ដុង បន្ថែមលើតម្លៃចាស់ ដែលធ្វើឲ្យតម្លៃបច្ចុប្បន្ននៅសល់ត្រឹម ១៧៤០០ដុង(០.៨០ដុល្លារ) ក្នុងមួយលីត្រ។
បើតាមក្រុមហ៊ុន Petrolimex បានឲ្យដឹងថា ការកាត់បន្ថយតម្លៃប្រេងឥន្ធនៈនេះ គឺយោងទៅតាមគោលការណ៍នៃការកំណត់តម្លៃលក់ចេញ ដែលកំណត់ដោយប្រកាសរដ្ឋាភិបាលទៅលើជំនួញប្រេងឥន្ធនៈ។ ការបញ្ចុះថ្លៃនេះ ក៏ស្របទៅតាមតម្លៃសាកល ដោយសារប្រេងឆៅបានចុះថ្លៃ ៤០ភាគរយ ចាប់តាំងពីខែកក្កដា ពី ១១២ដុល្លារ ក្នុង ១បារ៉ែល មកនៅត្រឹមជាមធ្យម ៦៥ដុល្លារ ក្នុង ១បារ៉ែល នាខែធ្នូនេះ។
ចុចអាន៖ វៀតណាមគ្រោងដំឡើងថ្លៃអគ្គិសនីចាប់ពីខែនេះទៅ
ចុចអាន៖ បញ្ចេញរបាយការណ៍ ចំនួនអ្នករកស៊ីផ្លូវភេទនៅវៀតណាម
ប្រែសម្រួល៖ គង់ វិសាល ប្រភព៖ vietnamnews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
