រឿង The Empress of China មានអ្នកមើលច្រើនបំផុតនៅចិន

2014-12-24 22:54:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង "The Empress of China" ផលិតដោយតារាសម្ដែងស្រីសិចស៊ី Fan Bingbing បានបំបែកឯតទគ្គកម្ម ជារឿងភាគដែលចាក់បញ្ចាំងលើកដំបូង មានអ្នកមើលច្រើនបំផុត ក្នុងប្រទេសចិន។ នេះបើតាមការឱ្យដឹងរបស់គេហទំព័រ YCWB News។

"The Empress of China" ជារឿងភាគទូរទស្សន៍ បង្ហាញពីសម័យកាលរាជវង្សថាង ក្នុងសតវត្សទី៧ និងទី៨ ដែលនាង Fan Bingbing ជាម្ចាស់ក្សត្រី Wu Zetian។

រឿងនេះចំណាយទន់អស់៤៨លានដុល្លារអាមេរិក។ វាត្រូវគេជឿថា បានស្ថិតក្នុងចំណោមរឿងភាគទូរទស្សន៍មានតម្លៃថ្លៃបំផុត ក្នុងប្រវត្តិសាស្ត្រចិន គឺអាចយកឈ្នះរឿងផលិតឆ្នាំ២០១៣ Heroes in Sui and Tang Dynasties អស់តែជាង ៤៤លានដុល្លារប៉ុណ្ណោះ។

ចំពោះរឿង "The Empress of China" តារាចម្រៀង ផលិតករ និងជាតារាសម្ដែង នាង Fan Bingbing បានបង្ហាញពីការពេញចិត្តជាខ្លាំង។ តារាវ័យ៣៣ឆ្នាំរូបនេះនិយាយបន្ថែមថា រឿងនេះបង្ហាញដល់ទស្សនិកជនគ្រប់រសជាតិ រួមទាំងឈុតឆាក បង្ហូរឈាម បង្ហូរទឹកភ្នែក ការឈឺចាប់ ភាពសប្បាយរីករាយ និងសេចក្ដីសុខ។

នាងថែមទាំងបញ្ជាក់ថា "ខ្ញុំគិតថាវានឹងក្លាយជារឿងលើកទឹកចិត្តមួយ ដែលអាចបង្កើតអារម្មណ៍វិជ្ជមាន សម្រាប់ទស្សនិកជនក្មេងៗ"។ បន្ទាប់ពី Fan Bingbing នៅមានការចូលរួមសម្ដែងដោយតារាល្បីៗជាច្រើនទៀតដូចជា Aarif Lee, Kathy Chow និង Chang Ting។

រឿង "The Empress of China" មានដំណើរការថតនៅថ្ងៃទី៣១ ខែធ្នូ ឆ្នាំ២០១៣ និងបញ្ចប់នៅថ្ងៃទី១៦ ខែសីហា ឆ្នាំ២០១៤ ហើយត្រូវបានចាក់បញ្ចាំងលើកដំបូង លើកញ្ចក់ទូរទស្សន៍ខេត្តហួណាន (Hunan Television ) នៅថ្ងៃទី២១ ខែធ្នូ ឆ្នាំ២០១៤ កន្លងទៅ៕