ឈិនឡុង ជួប Fan Bingbing ក្នុងរឿងថ្មី "Skiptrace”

2014-10-28 15:30:19
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាក្បាច់គុនហុងកុង Jackie Chan និងតារាល្បីចិន Fan Bingbing នឹងលេចមុខក្នុងខ្សែភាពយន្តថ្មីមួយជាមួយគ្នា មានចំណងជើងថា "Skiptrace”។

ដឹកនាំដោយ Renny Harlin ខ្សែភាពយន្តថ្មីនេះរៀបរាប់ពីប៉ូលិសហុងកុងម្នាក់ (សម្ដែងដោយ ឈិន ឡុង) ដែលព្យាយាមបង្ក្រាបកំពូលអ្នកលេងល្បែងម្នាក់មកពីអាមេរិកដែលពូកែបោកប្រាស់គេឯង។

ខ្សែភាពយន្តនេះបានចាប់ផ្ដើមថតកាលពីខែសីហា នៅទីតាំងដ៏គួរឲ្យចាប់អារម្មណ៍ជាច្រើននៅប្រទេសចិន និងត្រូវបានរំពឹងថាអាចចេញបញ្ចាំងនៅរោងភាពយន្តនៅឆ្នាំ២០១៥។

Jackie Chan បានចាប់ផ្ដើមចេញមុខផ្សព្វផ្សាយភាពយន្តនេះក្នុងកម្មវិធីសន្និសីទព័ត៌មានមួយ ជាមួយ Fan Bingbing នៅទីក្រុងប៉េកាំង កាលពីសប្ដាហ៍មុន។ នេះគឺជាការចេញមុខដ៏កម្ររបស់តារាវ័យ ៦០ឆ្នាំរូបនេះ បន្ទាប់ពីកូនប្រុសរបស់គេ ឈ្មោះ Jaycee Chan ត្រូវបានចាប់ខ្លួនដោយសារករណីគ្រឿងញៀន ប៉ុន្តែ Jackie Chan បានអះអាងថាអាជីពរបស់លោកមិនមានបញ្ហាដោយសារតែរឿងនេះឡើយ។

ទោះយ៉ាងណាលោកបានសុំអង្វរដល់អ្នកសារព័ត៌មានកុំឲ្យចុះផ្សាយអ្វីដែលគ្រាន់តែជាការសង្ស័យ និងធ្វើឲ្យភរិយារបស់លោកមានការឈឺចាប់ ៕