"បិសាចក្រមុំសក់ស" ភាពយន្តល្បីរបស់ស្រីស្អាត Fan BingBing មាននៅផ្លាទីនៀម

2014-10-17 17:19:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តក្បាច់គុនបុរាណចិន រឿង "បិសាចក្រមុំសក់ស" ដែលសម្ដែងដោយកំពូលតារាចិន Fan BingBing និង Huang Xiaoming បានចាប់ផ្ដើមបញ្ចាំងនៅថ្ងៃនេះហើយ នៅរោងភាពយន្តផ្លាទីនៀម។

ភាពយន្តនេះរៀបរាប់ពីរឿងរ៉ាវមួយកើតឡើងក្នុងអំឡុងរាជវង្សមីង។ Zhuo yi hangដែលទើបតែបានតែងតាំងជាមេបក្សអ៊ូតាំង (សម្តែងដោយHuang Xiaoming) បានទទួលបញ្ជាឲ្យនាំគ្រឿងដង្វាយចូលរាជវាំង តែនៅតាមផ្លូវក៏បានជួបនឹង Lian Nishang (សម្ដែងដោយFan Bingbing) មកពីបក្សបិសាច។ អ្នកទាំងពីរដំបូង ប្រយុទ្ធគ្នាតែក្រោយមកក៏បានធ្លាក់ក្នុងអន្លង់ស្នេហ៍ ហើយក៏បានរួមរស់ជាមួយគ្នានៅក្នុងបន្ទាយចន្ទ្រាដែលជាកន្លែងរស់នៅរបស់ Lian Nishang។

មិនយូរប៉ុន្មាន ក្រុមអង្គរក្សរាជវាំងក៏បានមកវាយប្រហារបន្ទាយចន្ទ្រា ហើយបានចោទថា Lian Nishangជាឃាតកសម្លាប់ចៅហ្វាយស្រុកឈួនសាន។ Zhuo yi hangដើម្បីស៊ើបពីការពិតក៏បានធ្វើដំណើរទៅរាជធានីដោយម្នាក់ឯង។ ក្រោយមកមិនយូរប៉ុន្មាន ក៏មានដំណឹងលេចលឺមកថាគាត់បានចុះចូលនឹងរាជការហើយរៀបការប្រពន្ធថ្មី។ Lian Nishangឈឺចិត្តយ៉ាងខ្លាំងហើយដោយសារការវាយប្រហារនេះបានធ្វើឲ្យសក់នាងក្លាយជាពណ៌សទាំងអស់ក្នុងពេលតែមួយយប់។ តើនឹងមានអ្វីកើតឡើងបន្តទៀត? តើស្នេហារបស់ពួកគេនឹងទៅជាយ៉ាងណា?

ចង់ដឹងច្បាស់ថាសាច់រឿងទាំងមូលរបស់ "បិសាចក្រមុំសក់ស" គួរឲ្យចាប់អារម្មណ៍ប៉ុណ្ណានោះ សូមចូលរួមទស្សនាទាំងអស់គ្នា នៅរោងភាពយន្តផ្លាទីនៀម ផ្សារទំនើបសូរិយា ដែលមានបញ្ចាំងចាប់ពីថ្ងៃនេះតទៅ ។

ទស្សនាឈុតខ្លីៗ៖ http://youtu.be/8-5MUk0Qdas

អានអត្ថបទ៖ “Annabelle” បញ្ចាំងតែពីរសប្ដាហ៍រកចំណូលបានច្រើនជាងដើមទុនជិត ២០ដង