"Annabelle” បញ្ចាំងតែពីរសប្ដាហ៍រកចំណូលបានច្រើនជាងដើមទុនជិត ២០ដង

2014-10-13 22:16:45
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមថ្ងៃទី១២ ខែតុលា ខ្សែភាពយន្តតុក្កតាខ្មោច "Annabelle” ដែលកំពុងទទួលបានការគាំទ្រជុំវិញពិភពលោក អាចរកចំណូលបានដល់ទៅ ១២២លានដុល្លារ ដែលស្មើនឹងដើមទុនផលិត ១៨ដង។

យោងតាមរបាយការណ៍ពី Box Office ខ្សែភាពយន្ត "Annabelle” ដែលចំណាយដើមទុនផលិតអស់ត្រឹមតែ ៦,៥លានដុល្លារ អាចរកចំណូលបាន ៦២,១លានដុល្លារ នៅសហរដ្ឋអាមេរិក និង ៦០លានដុល្លារទៀតនៅប្រទេសផ្សេងៗជុំវិញពិភពលោក ក្រោយពីចេញបញ្ចាំងកាលពីថ្ងៃទី៣ ខែតុលា កន្លងទៅ។

សារព័ត៌មាន deadline.com បាននិយាយថា មូលហេតុធំមួយដែលខ្សែភាពយន្តនេះអាចទទួលបានជោគជ័យយ៉ាងច្រើនលើសលប់បែបនេះ គឺដោយសារខ្សែភាពយន្តនេះមានសាច់រឿង និងរូបភាពរន្ធត់ៗគួរឲ្យចាប់អារម្មណ៍ ជាពិសេសគឺត្រូវនឹងពេលនេះរដូវកាលទិវាបុណ្យខ្មោច Halloween នៅអាមេរិក និងអឺរ៉ុប។

ខ្សែភាពយន្ត "Annabelle” បរិយាយពីរឿងរ៉ាវរន្ធត់ៗដែលកើតឡើងចំពោះគូស្វាមីភរិយាមួយគូ បន្ទាប់ពីពួកគេបានយកតុក្កតា "Annabelle” ចូលក្នុងផ្ទះ។

ខ្សែភាពយន្តនេះក៏បានចាក់បញ្ចាំងហើយដែរនៅរោងភាពយន្តផ្លាទីនៀម ផ្សារទំនើបសុរិយា។ ដូច្នេះបើចង់ដឹងច្បាស់ថា "Annabelle” មានសាច់រឿងគួរឲ្យចាប់អារម្មណ៍បែបណា សូមចូលរួមទស្សនាទាំងអស់គ្នា ៕

http://youtu.be/qRfGnJ1J0YE

ប្រែសម្រួល៖ វ៉ាន់ថន ប្រភព៖ boxofficemojo