ស្ពានអ្នកលឿងនឹងបើកសម្ពោធនៅសបា្តហ៍ទី១ខែមេសា
- 2014-12-26 19:11:35
- ចំនួនមតិ 0 | ចំនួនចែករំលែក 0
ស្ពានអ្នកលឿងនឹងបើកសម្ពោធនៅសបា្តហ៍ទី១ខែមេសា
ចន្លោះមិនឃើញ
ស្ពានអ្នកលឿង ដែលចាត់ទុកជាស្ពានស្អាត និងវែងជាងគេ នៅកម្ពុជាអាចនឹងត្រូវដាក់សម្ពោធនៅសបា្តហ៍ទី១ ខែមេសា ឆ្នាំ២០១៥ ខាងមុខ មុនបុណ្យចូលឆ្នាំខ្មែរ។
ដោយដកស្រង់ប្រសាសន៍ឯកឧត្តម កឹម គុណវឌ្ឍន៍ អគ្គនាយកទូរទស្សន៍ជាតិកម្ពុជា ដែលបានសរសេរនៅលើទំព័រ Facebook មុននេះ ស្ពានអ្នកលឿងនឹងត្រូវសម្ពោធដាក់ឲ្យប្រើជាផ្លូវការនៅក្នុងសបា្តហ៍ទី១ ខែមេសា គឺនៅមុនបុណ្យចូលឆ្នាំខ្មែរ។
ស្ពានអ្នកលឿង ដែលមានប្រវែង សរុបចំនួន ២២២០ ម៉ែត្រ ទទឹងប្រវែង ១៣ ម៉ែត្រ និងមានកម្ពស់ផុតពីផ្ទៃទឹកនៅរដូវវស្សា ៣៧,៥ ម៉ែត្រ បានក្លាយជាស្ពានវែងជាងគេ និងជាស្ពានយោងប្រើខ្សែកាបទី១ នៅកម្ពុជាផងដែរ។
បើតាមឯកឧត្តម កឹម គុណវឌ្ឍន៍ គុណភាពសំណង់ស្ពានអ្នកលឿងគឺ មានអាយុកាលលើស១០០ឆ្នាំ។ សំណង់ស្ពាននេះមានអ្នកជំនាញការជប៉ុនចំនួន៩នាក់ មន្រ្តី-វិស្វករខ្មែរ ៥៧នាក់ កម្មករខ្មែរ ៦៤៧នាក់ និងបរទេស ២៥នាក់ បម្រើការនៅការដ្ឋានសាងសង់ស្ពានអ្នកលឿង៕
អានអត្ថបទ៖ ណូអែលនៅភ្នំពេញ ប្លែកភ្នែកជាមួយស្តាយ៍ឆត្រប្រក់មេឃ
អ្នកសារព័ត៌មាន ក្នុងដំណើរទស្សនកិច្ចស្ពានអ្នកលឿងកាលពីព្រឹកមិញ
អត្ថបទ៖មៃ សុខលីម
រូបភាព និងប្រភព ៖ ឯកឧត្តម កឹម គុណវឌ្ឍន៍