លី តឺហួរ ជួលអង្គរក្ស១០នាក់ ការពារកូនស្រី

2014-12-26 23:02:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយបានកូនស្រីម្នាក់ឈ្មោះ Hanna ក្នុងឆ្នាំ២០១២មក លី តឺហួរ (Andy Lau) ចាប់ផ្ដើមយកចិត្តទុកដាក់ និងការពារគ្រួសារណាស់ ជាពិសេសកូនស្រី ហើយលោកថែមទាំងបានជួលអង្គរក្ស១០នាក់មកការពារទៀតផង។

ចាប់តាំងពីកំណើត Hannah តារាវ័យ៥៣ឆ្នាំ បានរើផ្ទះបីដង ដើម្បីគេចចេញពីអ្នកប្រមាញ់រូបថត។ នេះបើតាមការចុះផ្សាយរបស់គេហទំព័រ Jayne Stars ។ ម្យ៉ាងទៀតដោយខ្លាចអ្នកសារព័ត៌មាន ឆ្មក់ចូលថតរូបកូនស្រី លី តឺហួរ បានជួលអង្គរក្ស១០នាក់ មេដោះ៣នាក់ និងបំពាក់កាមេរ៉ាសុវត្ថិភាពចំនួន៥ ជុំវិញបរិវេណផ្ទះ។

លោកថែមទាំងបានបំពាក់បន្លាលួសជុំវិញរបង និងជួយសន្តិសុខយាមល្បាតទៀតផង។ ថ្ងៃឈប់សម្រាក លោកតែងចំណាយពេលខ្លី និងមានតម្លៃជាមួយគ្រួសារ ហើយថ្ងៃបុណ្យណូអែលម្សិលមិញនេះ លោកត្រូវគេរាយការណ៍ថា ធ្វើជាលោកតា Santa Claus ដែលយកកាដូយ៉ាងច្រើនឱ្យកូនស្រី។

តារាល្បីជើងចាស់បន្តថា “ នាងមិនចេះសរសេរ ឬគូរអីទេ តែខ្ញុំបានជួយនាងឱ្យឃើញ Santa Claus យកអំណោយជាច្រើនឱ្យនាង ក្នុងឆ្នាំនេះ"។ លោកបន្ថែមថា “ ខ្ញុំអត់ធ្វើការទេនៅថ្ងៃបុណ្យ ព្រោះខ្ញុំសន្យាជាមួយគ្រួសារថា នឹងចំណាយពេលនេះជាមួយពួកគេ និងនៅផ្ទះក្នុងទីក្រុងហុងកុង"៕

ចុចអាន៖ Miley Cyrus ត្រូវម្ដាយមិត្តប្រុស ចាត់ទុកជាក្មេងព្រៃ

ចុចត្រង់នេះ៖ វីដេអូតារាស្រីស្លៀកបញ្ចេញគល់ភ្លៅ ញាក់សាច់!

ប្រែសម្រួល៖ អ៊ុំ សុភក្ដិ ប្រភព៖ Lollipop