ចុម! Beyonce នាំគ្រួសារមកលេងដល់ថៃ

2014-12-27 00:08:27
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងល្បីឈ្មោះ Beyonce និង ស្វាមី Jay Z ព្រមទាំងកូនស្រី Blue Ivy អាយុ១ឆ្នាំ បាននាំគ្នាមកលេងខេត្ត Phuket ភាគខាងត្បូងប្រទេសថៃ កាលពីពេលថ្មីៗនេះ។ នេះបើយោងតាមការឱ្យដឹងពីសារព័ត៌មានក្នុងស្រុក កាលពីថ្ងៃព្រហស្បតិ៍។

គេហទំព័រ Bangkok Post បានឱ្យដឹងថា តារាចម្រៀងរូបនេះ ត្រូវបានគេឃើញនៅប្រលានយន្តហោះអន្តរជាតិ ខេត្ត Phuket កាលពីយប់ថ្ងៃពុធ។ ខណៈសារព័ត៌មានផ្សេងទៀតថា នាងមកដល់ទីនោះ២ថ្ងៃមុនម្ល៉េះ។

បណ្ដាញសារព័ត៌មានរំពឹងថា ម្ចាស់បទ“Crazy in Love” Beyonce និងគ្រួសារ អាចនឹងនៅប្រទេសថៃ រហូតដល់ថ្ងៃទី៤-៥ខែមករា ឆ្នាំ២០១៥។

ការជ្រើសរើសកន្លែងកម្សាន្តសម្រាប់ថ្ងៃឈប់សម្រាករបស់ប្ដីប្រពន្ធតារាចម្រៀងទាំងពីររូបនេះ ធ្វើឡើងក្រោយនាង Kim Kardashian ដែលបានមកលេងនៅភាគខាងជើងខេត្ត Phuket ដើមឆ្នាំនេះ និងតារាចម្រៀង Rihanna ដែលបានមកលេងប្រទេសថៃកាលពីឆ្នាំមុន៕

ចុចអាន៖ ល្បីប៉ុន Beyonce និង Jay Z ហើយនៅមានគេប្ដឹងថាលួចចម្លងស្នាដៃទៀត

ចុចអាន៖ បទថ្មីបង្ហាញក្បាច់រាំប្លែកៗរបស់ Beyonce តែ៣ថ្ងៃគេចូលមើល ១៩លានដង

ប្រែសម្រួល៖ អ៊ុំ សុភក្ដិ ប្រភព៖ ibtimes