៨នាទីដើម្បីមើលអង្គរវត្តពីលើមេឃ អ្នកត្រូវចំណាយប៉ុន្មានដឹងអត់?

2014-12-27 17:27:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ជិះឧទ្ធម្ភាគចក្រមើលទេសភាពក្រុងអង្គរ ជាចំណាប់អារម្មណ៍ថ្មីដែលប្រហែលយុវវ័យជាច្រើនចង់សាកល្បង តែវាថ្លៃសម្រាប់អ្នកពុំសូវសម្បូរលុយ។ ព្រោះអីការជិះ ៨នាទីសម្រាប់គយគន់ទេសភាពពីវេហាចុះក្រោម ដែលគេពុំធ្លាប់មានបទពិសោធន៍នេះ គឺត្រូវចំណាយយ៉ាងហោច ក៏៩០ដុល្លារដែរ។

លោក ចាន់ សុភ័ក្រ ប្រធានផ្នែកទីផ្សារក្រុមហ៊ុនផ្គត់ផ្គង់ជួលឧទ្ធម្ភាគចក្រ Helistar Cambodia ដែលបើកដំណើរការបួនប្រាំឆ្នាំមកហើយនោះ ធ្លាប់រៀបរាប់ប្រាប់ Sabay កន្លងមកថាចំនួនភ្ញៀវជួលសេវាហោះហើរមើលទេសភាព កើនឡើងជាលំដាប់។ សេវាកម្មនេះដាច់ច្រើននៅរដូវគ្មានភ្លៀង និងថមថយបន្តិចនៅរដូវធ្លាក់ភ្លៀង។ ការជិះកម្សាន្តមានម្នាក់ៗមានចាប់ពី ៩០ដុល្លារ (៨នាទី) ១៥០ដុល្លារ ២០០ដុល្លារ និងជាង៣០០ដុល្លារ គឺអាស្រ័យលើរយៈពេលជិះ និងតំបន់ដែលហោះហើរឲ្យគយគន់។

ទំនាក់ទំនងសាកសួរព័ត៌មានសេវាកម្មហោះហើររបស់ក្រុមហ៊ុន Helistar Cambodia ឯខេត្តសៀមរាបតាមទូរសព្ទលេខ 063 966 072 ឬនៅ ភ្នំពេញ023 431 011 ៕