ខ្សែ​ភាពយន្ត "Dragon Blade” ដែល​តារា​ល្បី​ហុងកុង Jackie Chan (ឈិនឡុង) បាន​សម្ដែង​ជាមួយ តារា​អាមេរិក John Cusack និង Adrien Brody បាន​ចេញ​​វីដេអូ Trailer ​ផ្លូវការ​ហើយ។

“Dragon Blade” គឺ​ជា​ភាពយន្ត​​​បែប​ប្រវត្តិសាស្ត្រ បង្ហាញ​ពី​ចម្បាំង​រវាង ចិន និង​ពួក​បស្ចិម​ប្រទេស ក្នុង​អំឡុង​រាជវង្ស Han ប្រមាណ ២០០ឆ្នាំ​មុន​គ្រិស្តសករាជ។ សាច់​រឿង​ដំណាល​ពី​មន្ត្រី​ចិន​ម្នាក់ (សម្ដែង​ដោយ ឈិនឡុង) ដែល​បាន​ធ្លាក់​ខ្លួន​ជា​ទាសករ និង​ទាហាន​រ៉ូម៉ាំង (សម្ដែង​ដោយ John Cusack) ដែល​បាន​ភៀស​ខ្លួន​ទៅ​ប្រទេស​ចិន។

ដោយ​ឡែក តារា​អាមេរិក Adrien Brody សម្ដែង​ជា​តួ​មេទ័ព​របស់​ស្ដេច​រ៉ូម Tiberius។ ក្រៅ​ពី​តារា​ទាំង​បី ភាពយន្ត​នេះ​ចូលរួម​សម្ដែង​ដោយ​តារា​ល្បី​ៗ​ជា​ច្រើន​ទៀត​ដូច​ជា​តារា​កូរ៉េ Choi Siwon (សមាជិក​ក្រុម Super Junior) និង​តារា​​ស្រី​ចិន Lin Peng ជា​ដើម។

គួរ​បញ្ជាក់​ដែរ​ថា ខ្សែ​ភាពយន្ត "Dragon Blade” ដែល​នឹង​ចាប់​ផ្ដើម​បញ្ចាំង​ដំបូង​នៅ​ប្រទេស​ចិន នៅ​ថ្ងៃ​ទី​១៩ ខែ​កុម្ភៈ ខាង​មុខ ត្រូវ​បាន​ផលិត​ដោយ​ចំណាយ​ដើម​ទុន​អស់ ៦៥លាន​ដុល្លារ ដែល​ជា​ការ​ចំណាយ​ច្រើន​បំផុត​ក្នុង​ប្រវត្តិសាស្ត្រ​ភាពយន្ត​ចិន។

ទស្សនា​វីដេអូ Trailer ខាង​ក្រោម​នេះ៖

http://youtu.be/SZ2628TiTyw

ចុច​អាន៖លិច​ទូក ស្លាប់​មនុស្ស​ម្នាក់​ពេល​កំពុង​ថត​រឿង​ថ្មី​របស់ ឈិន​ឡុង (វីដេអូ)