Neymar ​បាន​ឈ្នះ​ពាន​កីឡាករ​សញ្ជាតិ​ប្រេស៊ីល​លេង​ល្អ​ជាង​គេ​នៅ​អឺរ៉ុប​ Brazil's Samba Gold Award ​ជា​លើក​ទី​មួយ​ហើយ ​បន្ទាប់​​ពី​ទទួល​បាន​សំឡេង​គាំទ្រ​ច្រើន​ជាង​ Joao Miranda ​និង​ Willian ។

Neymar ​របស់​ក្រុម Barcelona , Joao Miranda ​របស់​ក្រុម Atletico Madrid ​និង​ Willian ​របស់​ Chelsea ​គឺ​សុទ្ធ​តែ​បាន​ជាប់​ឈ្មោះ​បេក្ខភាព​៣​នាក់​ចុង​ក្រោយ​សម្រាប់​ពាន​រង្វាន់​នេះ​ ប៉ុន្តែ​លទ្ធផល​អ្នក​ដែល​បាន​ឈ្នះ​ចុង​ក្រោយ​នោះ​គឺ​បាន​ទៅ​លើ​ខ្សែ​ប្រយុទ្ធ Neymar ​របស់​ Barca។ ចំណែក​ឯ​​កីឡាករ Thiago Silva ​ដែល​ជា​ម្ចាស់​ពាន​នេះ​៣​សម័យ​ហើយ​នោះ ​មិន​មាន​ឈ្មោះ​​​ទេ​នៅ​ឆ្នាំ​នេះ។

ខាង​ក្រោម​នេះ​ជា​វីដេអូ​បង្ហាញ​ពី​សមត្ថភាព​របស់​ Neymar ​លេង​នៅ​ក្រុម​ Barcelona ៖ http://youtu.be/r5zFI2f1dw0

​ពាន​រង្វាន់​  Brazil's Samba Gold Award ​ទើប​តែ​បង្កើត​ឡើង​នៅ​ឆ្នាំ​២០០៨​ ទេ ហើយ​តាំង​ពី​ពេល​បង្កើត​មក​មាន​កីឡាករ​៥​នាក់​ហើយ​ដែល​ទទួល​បាន​ពាន​រង្វាន់​នេះ។ ហើយ​កីឡាករ​៥​នាក់​នោះ​គឺ Kaka ទទួល​បាន​ឆ្នាំ​២០០៨ ពេល​លេង​នៅ​ AC Milan , Luis Fabiano ​កាល​លេង​នៅ​ Sevilla ​ឆ្នាំ​២០០៩, Maicon ​កាល​លេង​នៅ​ Inter Milan ​ឆ្នាំ​២០១០ , Thaigo Silva បាន​៣​ដង​លេង​នៅ​ AC Milan ​ឈ្នះ​ម្ដង ​និង​មក​ PSG ​ឈ្នះ​២​ដង​ហើយ​ចុង​ក្រោយ​នេះ​បាន​មក​លើ Neymar ​ឆ្នាំ​នេះ​តែ​ម្ដង៕

  ចុចអាន ៖ Neymar ​ត្រូវ​អ្នក​គាំទ្រ​ប្ដឹង​ទារ​លុយ​ជាង​មួយ​ម៉ឺន​ដុល្លារ​

​ប្រែ​សម្រួល៖ មុន្នី រម្យ ប្រភព៖ bleacherreport