ស្ងាត់ៗ តារាចម្រៀងល្បីរបស់ពិភពលោក Beyonce និងស្វាមីមកលេងអង្គរវត្ត!

2015-01-04 13:20:46
ចំនួនមតិ 0 | ចំនួនចែករំលែក 0

ចន្លោះមិនឃើញ

លេចរូបភាពពីរបីសន្លឹកបង្ហាញពីតារាចម្រៀងអាមេរិកនាង Beyonce វ័យ៣៤ឆ្នាំ និងស្វាមី Jay Z វ័យ៤៥ឆ្នាំ ដែលជាតារាចម្រៀង Rap មានវត្តមាននៅខេត្តសៀមរាប ប្រទេសកម្ពុជា។

ថ្វីត្បិតតែរូបប៉ុន្មានសន្លឹកមិនអាចប្រាប់ថា ត្រូវបានផ្ដិតយកនៅពេលណាក្ដី ប៉ុន្តែគេអាចមើលឃើញស្គាល់ថា ម្ចាស់បទ "Single Ladies” ដ៏ល្បីល្បាញ និងស្វាមីបានមកទស្សនាអង្គរវត្ត។ ទន្ទឹមនឹងនោះ សារដែលបង្ហោះជាមួយនឹងរូបទាំងនេះបានបញ្ជាក់ថា៖ "Beyonce និង Jay Z មកលេងខេត្តសៀមរាប ហើយពួកគេបានទៅទស្សនាប្រាសាទអង្គរវត្ត និងប្រាសាទបាយ័ននៅថ្ងៃនេះ"។

ចំណែកគណនី Twitter ឈ្មោះ Beyoncé Lite @BeyonceLite ដែលបានបង្ហោះរូបទាំងនេះកាលបីប៉ុន្មានម៉ោងមុន ក៏បានសរសេរបញ្ជាក់ថា Beyonce និង Jay Z បានមកលេងប្រទេសកម្ពុជានៅថ្ងៃនេះ។

កាលពីថ្ងៃពុធ ទី២៤ ខែធ្នូ ឆ្នាំ២០១៤ កន្លងទៅ សារព័ត៌មានថៃទើបបានចុះផ្សាយថា គេបានប្រទះឃើញតារាចម្រៀងអាម៉េរិកាំងពីរនាក់ប្ដីប្រពន្ធ រួមទាំងកូនស្រី Blue Ivy បង្ហាញខ្លួននៅព្រលានយន្តហោះខេត្ត Phuket ប្រទេសថៃ ហើយសារព័ត៌មានដដែលបញ្ជាក់ថា ពួកគេនឹងបន្តស្នាក់នៅឆ្លងឆ្នាំនៅក្នុងប្រទេសនេះរហូតដល់ថ្ងៃទី៤ ឬទី៥ ខែមករា ២០១៥ឯណោះ៕