រឿងភាគ ហ្វាន ពីងពីង ចាក់បញ្ចាំងឡើងវិញ តែលែងសិចស៊ីដូចមុន

2015-01-04 23:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងភាគដែលសម្ដែងដោយ ហ្វាន ពីងពីង “The Empress of China” បានចាក់ផ្សាយលើកញ្ចក់ទូរទស្សន៍ឡើងវិញ បន្ទាប់ពីផ្អាកមួយរយៈរួចមក ប៉ុន្តែមិនសិចស៊ីបញ្ចេញដើមទ្រូងដូចមុនទេ។

ខ្សែភាពយន្តបុរាណដែលកំពុងមានប្រជាប្រិយភាពនៅចិន “The Empress of China” បានផ្អាកការចាក់បញ្ចាំងតាមទូរទស្សន៍ការពីចុងខែធ្នូ ឆ្នាំ២០១៤ កន្លងទៅ។ ទូរទស្សន៍ចិន HNTV បានបញ្ជាក់ពេលនោះថា មូលហេតុដែលនាំឲ្យផ្អាកការចាក់បញ្ចាំង ដោយសារបញ្ហាបច្ចេកទេស ប៉ុន្តែប្រភពមិនបញ្ចេញឈ្មោះ បាននិយាយប្រាប់សារព័ត៌មាន Want China Times ថា មូលហេតុបណ្ដាលមកពីសំលៀកបំពាក់ ហាក់បង្ហាញភាពសិចស៊ីជ្រុលពេក ពិសេសត្រង់ដើមទ្រូង។

បន្ទាប់ពីមានការបញ្ចាំងឡើងវិញជាថ្មី អ្នកតាមដានទស្សនាបានសង្កេតឃើញថា ត្រង់ឈុតសិចស៊ីទាំងអស់ត្រូវគេកាត់ចោលត្រង់ដើមទ្រូង ដោយបង្ហាញឲ្យឃើញត្រឹមក និងមុខតួស្រីប៉ុណ្ណោះ។ ការប្រែសម្រួលនេះ មិនត្រឹមតែប៉ះពាល់ដល់ភាគថ្មីប៉ុណ្ណោះទេ សូម្បី ១៧ភាគមុន ក៏ត្រូវគេប្ដូរដែរ។ ការកែសម្រួលជាថ្មី បានធ្វើឲ្យប៉ះពាល់ដល់អារម្មណ៍អ្នកទស្សនាជាខ្លាំង ដោយសារគេគិតថា មានការផ្លាស់ប្ដូរប្រវត្តិសាស្ត្រ តាមសីលធម៌បច្ចុប្បន្នហួសហេតុពេក។