១០យ៉ាង ដែលអ្នកនឹងភ្ញាក់ផ្អើលចំពោះមង្គលការ ម៉ារីម៉ា

2015-01-05 15:58:03
ចំនួនមតិ 0 | ចំនួនចែករំលែក 0

ចន្លោះមិនឃើញ

មង្គលការគូស្នេហ៍ជាតារាសម្ដែងដ៏ល្បីប្រចាំប្រទេសហ្វីលីពីន Marian Rivera និង Dingdong Dantes បានធ្វើឲ្យកក្រើកសារព័ត៌មានកម្សាន្តធំៗក្នុងលោក។ បន្ទាប់ពីសាងស្នេហ៍ដ៏ស្អិតល្មួតរយៈពេលជាង ៥ឆ្នាំរួចមក អ្នកទាំងពីរ បានភ្ជាប់ចំណងអាពាហ៍ពិពាហ៍ផ្លូវការ កាលពីថ្ងៃទី៣០ ខែធ្នូ ឆ្នាំ២០១៤ កន្លងទៅ។

ខាងក្រោមនេះ គឺជារឿងរ៉ាវពិត ១០យ៉ាងទៀត ដែលលោកអ្នកអាចមិនទាន់បានដឹង និងភ្ញាក់ផ្អើលចំពោះអាពាហ៍ពិពាហ៍របស់ពួកគេ៖

១. អាពាហ៍ពិពាហ៍តារាល្បីទាំងពីរ ត្រូវបានបណ្ដាញសារព័ត៌មានធំៗទាំងក្នុងស្រុក និងអន្តរជាតិ យកទៅចុះផ្សាយ ហើយមានអ្នកមើលច្រើនបំផុត ក្លាយជាប្រធានបទគួរឲ្យចាប់អារម្មណ៍ជាងគេ។ ចំណែកនៅលើបណ្ដាញសង្គម ដូចជា Twitter និង Facebook វិញ ក៏មានអ្នកចែកចាយរូបថតអាពាហ៍ពិពាហ៍ ព្រមទាំងបញ្ចេញមតិយោបល់ច្រើនផងដែរ។

២. ផ្កាអ័រគីដេ ផ្កាកុលាប តុបតែងក្នុងព្រះវិហារ និងកន្លែងទទួលភ្ញៀវ ដែលមានទាំងនៅក្នុងប្រទេស បូករួមទាំងនាំចូលពីក្រៅប្រទេសផង មានតម្លៃសរុប ២លានប៉េសូ(ប្រហែល ៤៤៥៦០ដុល្លារ)។

៣. រថយន្តដែលប្រើក្នុងអាពាហ៍ពិពាហ៍នោះ គឺជារថយន្តស៊េរីចាស់ម៉ាក Mercedes Benz ផលិតឆ្នាំ១៩៧៦។

៤. កន្លែងទទួលភ្ញៀវ ត្រូវប្រារព្ធឡើងនៅអគារ Mall of Asia Arena ដែលជាពហុកីឡដ្ឋានមានដំបូលដ៏ធំមួយរបស់ប្រទេសហ្វីលីពីន និងមានភ្ញៀវចូលរួមរាប់ពាន់នាក់។

៥. តារាល្បីៗ និងអ្នកនយោបាយជាច្រើន បានចូលរួមក្នុងពិធីអាពាហ៍ពិពាហ៍ដ៏កក្រើករបស់គូស្នេហ៍ទាំងពីរ ហើយក្នុងនោះមានទាំងប្រធានាធិបតីហ្វីលីពីន លោក Benigno Aquino III ផងដែរ។

៦. នំអាពាហ៍ពិពាហ៍ដ៏ធំ ៥ជាន់ មានកម្ពស់រហូតដល់ទៅ ១,៨ម៉ែត្រ និងលើកដោយមនុស្សជិត ១០នាក់ ព្រមទាំងចំណាយពេល ១ខែ ដើម្បីធ្វើឡើង។

៧. រ៉ូបកូនក្រមុំដែល Marian Rivera ពាក់ក្នុងថ្ងៃរៀបការ ត្រូវបានរចនាឡើងដោយអ្នកច្នៃម៉ូដហ្វីលីពីន ដែលទទួលស្គាល់ជាអន្តរជាតិ លោក Michael Cinco មានតម្លៃ ២លានប៉េសូ(ប្រហែល ៤៤៥៦០ដុល្លារ)។

៨. ចិញ្ចៀនភ្ជាប់ពាក្យរបស់ Marian Rivera គឺជាចិញ្ចៀនរចនាឡើងដោយអ្នកច្នៃម៉ូដពេជ្រដ៏ល្បីឈ្មោះលើលោក Harry Wiston ដែលស្លាប់តាំងពីឆ្នាំ១៩៧៨។

៩. អាពាហ៍ពិពាហ៍របស់ Marian Rivera និង Dingdong Dantes គឺជាព្រឹត្តិការណ៍ធំបំផុតនៅក្នុងព្រះវិហារមួយនោះ គិតចាប់តាំងពីឆ្នាំ២០០៣ មក។

១០. នៅក្នុងអាពាហ៍ពិពាហ៍របស់តារាភាពយន្តល្បីឈ្មោះទាំងពីរដួង មានការចូលរួមពីសង្ឃរាជ ៨អង្គ និងអាចារ្យ ៧នាក់ ដែលជាចំនួនដ៏ច្រើនមួយ នៅក្នុងពិធីបែបនេះ៕

វីដេអូច្បាស់ត្រជាក់ភ្នែក ពីមង្គលការ ម៉ារីម៉ា៖ សូមចុចទីនេះ

ដោយ៖ គង់ វិសាល

ប្រភព៖ បរទេស