តារាសម្ដែងសិចស៊ី Clara ទៅសាកសមត្ថភាពសម្ដែងនៅហូលីវូដខែកុម្ភៈ

2015-01-05 17:11:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងម៉ូដែលកូរ៉េខាងត្បូង Clara Lee នឹងទៅធ្វើតេស្តសមត្ថភាពសម្ដែងជាមួយផលិតកម្មហូលីវូដដែលមិនបញ្ជាក់ឈ្មោះមួយនៅខែកុម្ភៈខាងមុខ ក្នុងក្ដីសង្ឃឹមពង្រីកអាជីពសម្ដែងរបស់នាងនៅក្រៅប្រទេស។

ភាពសិចស៊ី និងការនិយាយភាសាអង់គ្លេសស្ទាត់ជំនាញបានធ្វើឲ្យនាងទទួលការចាប់អារម្មណ៍ពីសំណាក់ផលិតកម្មក្នុងភាគខាងត្បូងរដ្ឋ California នេះ។

“ខ្ញុំនឹងទៅសហរដ្ឋអាមេរិកដើម្បីធ្វើតេស្តសមត្ថភាពសម្ដែងសម្រាប់ផលិតកម្មមួយក្នុងខែកុម្ភៈឆ្នាំនេះ"។ តារាសម្ដែងវ័យ ២៨ ឆ្នាំនិយាយនឹងសារព័ត៌មាន Star News។ នាងបន្តថា បើទោះជាមិនអាចដឹងលទ្ធផលយ៉ាងម៉េចក្ដី តែនាងសង្ឃឹមថា នាងនឹងអាចទទួលដំណឹងល្អក្រោយការធ្វើតេស្តនោះ។

Clara បញ្ជាក់ដែរថា មានតារាសម្ដែងចិនជាច្រើនបានចូលសម្ដែងក្នុងភាពយន្តហូលីវូដ តែសម្រាប់កូរ៉េវិញឃើញមានតែតារាសម្ដែង Lee Byung Bun ម្នាក់។ ដូច្នេះនាងចង់ពង្រីកអាជីពរបស់នាងលើទឹកដីមហាអំណាចសេដ្ឋកិច្ចទី ២ ក្នុងលោកមួយនេះ ក៏ដូចជាបើកភ្លើងខៀវឲ្យតារាកូរ៉េផ្សេងទៀត។

រឿងថ្មីដែល Clara បានសម្ដែងឈ្មោះថា "Workig Girl” នឹងត្រូវចាក់បញ្ចាំងថ្ងៃទី ៨ មករានេះ ហើយ។ ក្នុងរឿងនេះនាងសម្ដែងជាតួស្រីដែលប្រឈមនឹងការងារដ៏លំបាក ខុសពីជីវិតសិចស៊ី និងស្រស់ស្រាយរបស់នាង។ ខាងក្រោមជារូបភាពបង្ហាញពីភាពសិចស៊ីរបស់នាងកន្លងមក៕