តារាងចំណូលភាពយន្តល្បីៗប្រចាំសប្ដាហ៍

2015-01-05 19:13:18
ចំនួនមតិ 0 | ចំនួនចែករំលែក 0

ចន្លោះមិនឃើញ

នាចុងសប្ដាហ៍ទីមួយនៃឆ្នាំ២០១៥ ខ្សែភាពយន្ត "The Hobbit: The Battle of the Five Armies” នៅតែអាចរកចំណូលបានច្រើនជាងភាពយន្តដទៃដដែល ដោយក្នុងរយៈពេល ៣ថ្ងៃនៃចុងសប្ដាហ៍កន្លងទៅ ភាពយន្តនេះអាចរកចំណូលបាន ២១,៩លានដុល្លារ ពីការបញ្ចាំងនៅអាមេរិក និងកាណាដា ។ នេះបើតាមទិន្នន័យពីតារាង Box Office អាមេរិក។

នេះជាសប្ដាហ៍ទី៣ ហើយដែលភាពយន្តវគ្គចុងក្រោយនៃរឿង "The Hobbit" មួយនេះបានជាប់ចំណាត់ថ្នាក់លេខមួយ។ ចំណាត់ថ្នាក់លេខពីរសប្ដាហ៍នេះ គឺខ្សែភាពយន្តថ្មីពីក្រុមហ៊ុន Disney គឺរឿង "Into the Woods” ដែលអាចរកចំណូលបាន ១៩លានដុល្លារ នាសប្ដាហ៍ទីពីររបស់ខ្លួន។ រីឯខ្សែភាពយន្ត "Unbroken” ដែលជាស្នាដៃដឹកនាំរបស់តារាសម្ដែង Angelina Jolie បានជាប់ចំណាត់ថ្នាក់លេខ ៣នាសប្ដាហ៍នេះ ដោយអាចរកចំណូលបាន ១៨,៣លានដុល្លារ។

សម្រាប់ចំណាត់ថ្នាក់បន្តបន្ទាប់សូមទស្សនា តារាង Box Office អាមេរិក ខាងក្រោមនេះ (ចំណូលចុងសប្ដាហ៍គិតចាប់ពីថ្ងៃទី២ ដល់ទី៤ ខែមករា)៖

ល.រ	ចំណងជើងភាពយន្ត	ចំណូលចុងសប្ដាហ៍	ចំណូលសរុប	សប្ដាហ៍ទី
១	The Hobbit: The Battle of the 5 Armies	២១,៩លានដុល្លារ	២២០,៧លានដុល្លារ	៣
២	Into the Woods	១៩លានដុល្លារ	៩១,២លានដុល្លារ	២
៣	Unbroken	១៨,៣លានដុល្លារ	៨៧,៨លានដុល្លារ	២
៤	The Woman in Black 2: Angel of Death	១៥,១លានដុល្លារ	១៥,១លានដុល្លារ	១
៥	Night at the Museum: Secret of the Tomb	១៤,៤លានដុល្លារ	៨៩,៧លានដុល្លារ	៣
៦	Annie (2014)	១១,៤លានដុល្លារ	៧២,៦លានដុល្លារ	៣
៧	The Imitation Game	៨,១លានដុល្លារ	៣០,៨លានដុល្លារ	៦
៨	The Hunger Games: Mockingjay - Part 1	៧,៧លានដុល្លារ	៣២៣,៨លានដុល្លារ	៧
៩	The Gambler	៦,៣លានដុល្លារ	២៧,៥លានដុល្លារ	២
១០	Big Hero 6	៤,៨លានដុល្លារ	២១១,២លានដុល្លារ	៩