La Pergola រ៉ូមេនទិកសម្រាប់មនុស្សជាទីស្រលាញ់នៅ ភ្នំពេញ

2015-01-06 22:57:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Sébastien Rubis ដែលចំណាយពេល៦ឆ្នាំ រៀនវិធីវិធីចម្អិនមុខម្ហូបប្រពៃណីបារាំងដ៏អាថ៌កំបាំងក្នុងភោជនីយដ្ឋានដ៏មានឈ្មោះបោះសំឡេងមួយនៅ ប៉ារីស ឥឡូវនេះបាននាំមកនូវភោជនីយដ្ឋានអាហាររាត្រីដ៏រ៉ូមេនទិកបំផុតសម្រាប់លោកអ្នក និងមនុស្សជាទីស្រលាញ់នៅ La Pergola ក្នុងទីក្រុងភ្នំពេញនេះតែម្ដង។

បន្ទប់ញ៉ាំអាហារធុនតូច បន្តើតខ្លួន អាចឲ្យអ្នកចោលភ្នែកទៅកាន់ស្រះឈូក និងអាងទឹកនៅប៉ែកខាងក្រោម ដែលនឹងនាំឲ្យអ្នកទទួលអារម្មណ៍ស្រស់ស្រាយ បន្ថែមលើអាហារប្រកបដោយឱជារស ។ La Pergola ត្រូវបាន ឌីហ្សាញឡើង ដោយផ្ដោតលើការចាប់យកទេសភាពស្រស់ស្រាយទៅដល់ភ្ញៀវទាំងឡាយ និងការតុបតែងប្រកបដោយភាពទាក់ទាញយ៉ាងរ៉ូមេនទិក។ បន្ទប់ធំដែលបំពាក់ដោយម៉ាស៊ីនត្រជាក់ បិទបាំដោយកញ្ចក់ថ្លាឆ្វង់ បានរំលេចចេញទេសភាពដើមពោធិ៍ជ្រៃទម្លាក់ឫសរំយោលចុះក្រោមសាខា ជាទីទាក់ទាញនិងស្រស់បំព្រង សម្រាប់អ្នកលម្ហែញាំអាហារទីនោះ។

លោកអ្នកអាចជ្រើសរើសយក Le Pergola សម្រាប់លម្ហែនិងញ៉ាំអាហារល្ងាចជាមួយគ្រួសារ មិត្តភ័ក្ដិ ឬមនុស្សជាទីស្រលាញ់។ Le Pergola មានទាំងម្ហូបអាហារខ្មែរ និងម្ហូបបារាំងចាប់បម្រើពី ម៉ោង ៧ដល់១០:៣០យប់ មានទីតាំងនៅ Plantation Urban Resort & Spa ផ្ទះលេខ ២៨ ផ្លូវ១៨៤។ ឬទូរសព្ទទាក់ទងលេខ 023 220 141៕