Beyonce ផ្សាយស្នាមញញឹមពីប្រាសាទបាយ័នទៅកាន់ពិភពលោក
- 2015-01-07 18:20:16
- ចំនួនមតិ 0 | ចំនួនចែករំលែក 0
Beyonce ផ្សាយស្នាមញញឹមពីប្រាសាទបាយ័នទៅកាន់ពិភពលោក
ចន្លោះមិនឃើញ
នៅព្រឹកថ្ងៃទី៧ ខែមករា នេះ កំពូលតារាចម្រៀងអាមេរិក Beyonce បានបង្ហោះរូបថតចំនួន ៤សន្លឹកទៀត អំពីដំណើរកម្សាន្តរបស់នាងនៅប្រាសាទបាយ័ន លើគណនី Instagram ដែលមានអ្នកគាំទ្រចំនួន ២៣លាននាក់។
ក្នុងរូបថតមួយសន្លឹក ម្ចាស់បទ “Halo” រូបនេះបានបង្ហាញនូវស្នាមញញឹមយ៉ាងស្រស់ថ្លានៅមុខប្រាសាទបាយ័ន ហើយរូបថតផ្សេងៗទៀតក៏បានបង្ហាញពីទិដ្ឋភាពទាក់ទាញនៃបេតិកភណ្ឌ ពិភពលោកដ៏ល្បីល្បាញមួយនេះដែរ ដូចជារូបព្រហ្មញញឹម និងទិដ្ឋភាពទាំងមូលនៃប្រាសាទ។ រូបថតនីមួយៗសុទ្ធតែទទួលបានការចុច Like ពីអ្នកគាំទ្ររាប់សែននាក់ និងមតិយោបល់ស្ងើចសរសើរចំនួន រាប់ពាន់ផងដែរ។
តារាចម្រៀង Beyonce វ័យ ៣៣ ឆ្នាំ និងស្វាមី Jay Z វ័យ៤៥ឆ្នាំ បានមកធ្វើដំណើរកម្សាន្តនៅតំបន់អង្គរដោយស្ងាត់ៗ អំឡុងពេលចុងសប្ដាហ៍មុន។ មុនមកដល់ប្រទេសកម្ពុជា គ្រួសាររបស់តារាល្បីមួយគូនេះ បានមកលេងនៅប្រទេសថៃ ប៉ុន្តែ Beyonce មិនបានបង្ហោះអ្វីនៅលើ Instagram របស់នាងឡើយ។
អាន៖ Nicole បញ្ចេញភាពសិចស៊ីដាក់ទស្សនាវដ្ដី KWAVE
ដោយ៖ វ៉ាន់ថន ប្រភព៖ Beyonce Instagram
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
