Jung Woo-sung បដិសេធរឿងទាក់ទង ស្ត្រីខ្ទង់៣០ឆ្នាំ
- 2015-01-09 22:18:04
- ចំនួនមតិ 0 | ចំនួនចែករំលែក 0
Jung Woo-sung បដិសេធរឿងទាក់ទង ស្ត្រីខ្ទង់៣០ឆ្នាំ
ចន្លោះមិនឃើញ
សារព័ត៌មាន Koreatimesus រាយការណ៍កាលពីម្សិលមិញថា តារាសម្ដែងកូរ៉េខាងត្បូង Jung Woo-sung បានបដិសេធពាក្យចចាមអារ៉ាមថា លោកទាក់ទងជាមួយស្ត្រីសញ្ជាតិកូរ៉េ-អាមេរិក វ័យខ្ទង់៣០ឆ្នាំម្នាក់។
លោក Jung ត្រូវគេមើលឃើញ បានចាប់ផ្ដើមទាក់ទងជាមួយស្ត្រីម្នាក់ ដែលលោកជួប ខណៈពេលជួបជុំជាមួយមិត្តភ័ក្តិជិតមួយឆ្នាំមុន។
ប្រភពមិនបានដកស្រង់សម្ដីតារារូបនេះទេ តែក្រោយលេចឮព័ត៌មានដ៏រសើបនេះ Red Brick House ដែលភ្នាក់ងាររបស់លោក បានប្រាប់គេហទំព័រសរសេរជាភាសាកូរ៉េ Star News នៅថ្ងៃសុក្រនេះថា វាជារឿងមិនពិត។
អ្នកនាំពាក្យម្នាក់និយាយថា "Jung តែងចេញទៅក្រៅ និងជួបមិត្តភ័ក្ដិជាញឹកញាប់។ យើងគិតថា នេះគ្រាន់តែជាការយល់ច្រឡំប៉ុណ្ណោះ"។
ក្នុងឆ្នាំ២០១១ តារាវ័យ៤១ឆ្នាំ កើតក្នុងទីក្រុងសេអ៊ូលរូបនេះ មានទំនាក់ទំនងស្នេហាជាមួយ តារាសម្ដែងស្រីម្នាក់ឈ្មោះ Lee Ji-ah តែបានបញ្ចប់ទៅវិញក្នុងរយៈដ៏ពេលខ្លី បន្ទាប់ពីមានការបរិហារថា នាង Lee បានរៀបការជាមួយតារា K-Pop Seo Taiji ហើយនោះ។
តារាដែលចូលសិល្បៈ តាំងពីឆ្នាំ១៩៩៤ Jung កំពុងសម្ដែងក្នុងរឿង “Don’t Forget Me” ដែលនឹងចាក់បញ្ចាំង នៅក្នុងឆ្នាំ២០១៥នេះ៕
រូបភាព ១ សន្លឹកឲ្យ Selena Gomez រងការរិះគន់នៅអារ៉ាប់រួម
៣សន្លឹកបង្ហាញថា Miley Cyrus ប្រើគ្រឿងញៀន
ប្រែសម្រួល៖ អ៊ុំ សុភក្ដិ ប្រភព៖ Koreatimesus
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
