ក្រុម​ចម្រៀង​នារី​កូរ៉េ​ខាង​ត្បូង​ Hello Venus បាន​ចេញ​វីដេអូ​ចម្រៀង​ដ៏​សិចស៊ី កាល​ពី​ថ្ងៃ​ទី​៨ ខែ​មករា សម្រាប់​អាល់ប៊ុម​ថ្មី​របស់​ពួក​គេ​ មាន​ចំណងជើង "Wiggle Wiggle”។

ក្នុង​បទ​ចម្រៀង​ចង្វាក់​ញាក់​ដែល​និពន្ធ​ដោយ Brave Sound មួយ​បទ​នេះ សមាជិក​ទាំង ៦រូប​របស់ Hello Venus បាន​បញ្ចេញ​នូវ​ក្បាច់​រាំ​សិចស៊ី​គ្រប់​ៗ​គ្នា ជា​ពិសេស​នៅ​ពេល​ចាប់​ផ្ដើម​បទ​ចម្រៀង។ ត្បិត​តែ​មិន​មាន​ឈុត​ឆាក​ស្នេហា​រោលរាល ប៉ុន្តែ​ក្បាច់​រាំ​របស់​ពួក​គេ ធ្វើ​ឲ្យ​វីដេអូ​ចម្រៀង​នេះ ក្លាយ​ជា​បទ​ចម្រៀង​ដែល​សក្ដិសម​សម្រាប់​តែ​មនុស្ស​ពេញ​វ័យ​អាយុ​ចាប់​ពី ១៩ឆ្នាំ​ឡើង​ប៉ុណ្ណោះ។

ក្រុម​ចម្រៀង Hello Venus ត្រូវ​បាន​បង្កើត​ឡើង​កាល​ពី​ឆ្នាំ​២០១២ ដោយ​ផលិតកម្ម Pledis Entertainment ដែល​ជា​ទ្រនំ​ក្រុម​ចម្រៀង After School និង NU'EST។ នៅ​ពេល​ចេញ​បទ​ចម្រៀង​ដំបូង​ៗ ពួក​គេ​លេង​ស្ទីល​ធម្មតា​ៗ ប៉ុន្តែ​ពួក​គេ​បាន​ប្ដូរ​មក​លេង​ស្ទីល​សិចស៊ី​ត្រឹម​បទ "Sticky Sticky” ដែល​ចេញ​កាល​ពី​ខែ​វិច្ឆិកា ឆ្នាំ​មុន។

ទស្សនា​បទ "Wiggle Wiggle” ខាង​ក្រោម​នេះ៖

http://youtu.be/SkRSXFQerZs

ចុច​មើល៖វីដេអូ Justin, Miley និង PSY មាន​អ្នក​មិន​ពេញ​ចិត្ត​ច្រើន​បំផុត​លើ Youtube