យប់មិញក្រុមតន្ត្រីក្រសួងទេសចរណ៍ច្រៀងច្រើនភាសាដល់ហើយ!
- 2014-10-02 18:11:49
- ចំនួនមតិ 0 | ចំនួនចែករំលែក 0
យប់មិញក្រុមតន្ត្រីក្រសួងទេសចរណ៍ច្រៀងច្រើនភាសាដល់ហើយ!
ចន្លោះមិនឃើញ
ក្រុមតន្ត្រីក្រសួងទេសចរណ៍ បានច្រៀងជាច្រើនភាសា មាន ចិន ឥណ្ឌូណេស៊ី បារាំង អង់គ្លេស និង ខ្មែរ នៅក្នុងកម្មវិធីជប់លៀងរបស់ធនាគារ RHB Indochina Bank ដើម្បីថ្លែងអំណរគុណដល់អតិថិជន នៅសណ្ឋាគារសូហ្វីតែលកាលពីយប់មិញ។
អានអត្ថបទ៖ រំលឹកបទរណ្ដំចិត្តច្រៀងរួមគ្នា មាស សុខសោភា & សុគន្ធ នីសា(វីដេអូ)
តារាចម្រៀងដែលបានលចូលរួមច្រៀង មានដូចជា កញ្ញា សុន ស្រីពេជ្រ កញ្ញា សុខ ស្រីលក្ខ័ណ កញ្ញា ទេព បុប្ផា លោក ម៉ិញ ស៊ីដេត និង លោក អ៊ុក មុំម៉ានិត ជាមួយគ្នានោះ ក៏មាន ក្រុមតន្ត្រីទេសចរណ៍ ដែលមានសុទ្ធតែស្រីជិត ១០ នាក់ នឹងក្រុមរបាំ កម្ពុជា ឥណ្ឌូណេស៊ី ថែមទៀតផង។
លើកលែងតែ កញ្ញា សុន ស្រីពេជ្រ ប៉ុណ្ណោះដែលច្រៀងភាសាខ្មែរ ក្រៅពីនេះ ច្រៀងជាភាសាខ្មែរផង និង ភាសាបរទេសផង មាន ចិន ឥណ្ឌូណេស៊ី បារាំង អង់គ្លេស ជាដើម។
ទោះបីជាតារាចម្រៀងទាំងនោះ មិនចេះភាសាបរទេសដែលខ្លួនច្រៀងយ៉ាងណាក្ដី ប៉ុន្តែពួកគេមានវិធីសាស្ត្រច្រៀងឲ្យដូចភាសាដើម ដោយពួកគេបានយកពាក្យពេជ្រ នៃបទច្រៀងបរទេសទាំងនោះ មកសរសេរជាភាសាខ្មែរតាមសូរសំលេង ហើយច្រៀងតាម។
កញ្ញា សុខ ស្រីក្ខ័ណ បានច្រៀងបទចម្រៀងរបស់ ឥណ្ឌូណេស៊ី ៣ បទ បាននិយាយប្រាប់ Sabay ថា ការពិតនាងមិនចេះភាសា ឥណ្ឌូណេស៊ី ឡើយសូម្បីតែមួយពាក្យ ប៉ុន្តែដោយអ្នករៀបចំកម្មវិធីតម្រូវឲ្យនាងច្រៀងជា ភាសាឥណ្ឌូណេស៊ី ដូចនេះត្រូវតែធ្វើតាម។ ស្រីលក្ខ័ណ បានលើកឡើងថា នាងបានយកពាក្យពេចន៍ នៃបទច្រៀងដែលនាងត្រូវច្រៀង មកសរសេរជាភាសាខ្មែរតាមសូរសំលេងហើយច្រៀងតាមតែម្ដង ដោយត្រូវហាត់ច្រៀងប្រហែលមួយអាទិត្យ ទើបអាចច្រៀងបាន។
កញ្ញា សុខ ស្រីក្ខ័ណ បានប្រាប់ទៀតថា វិធីសាស្ត្រច្រៀងបទបរទេសបែបនេះ មិនមែនមានតែ នាងឡើយ តារាចម្រៀងផ្សេងទៀតក៏ ធ្វើបែបនេះដែរ។
អានអត្ថបទ៖ “ព្រាយខ្លា” ពីប្រទេសកម្ពុជាបង្កចលាចលផ្អើលអ្នកស្រុកថៃ
បើតាមការឲ្យដឹងពី លោក ចៅ សុផាណារិទ្ធ ប្រធានក្រុមតន្ត្រីទេសចរណ៍ បាននិយាយទៀតថា លោកបានរៀបចំបទចម្រៀងរហូតដល់ទៅ ៣០ បទ ឲ្យតារាចម្រៀងច្រៀង ប៉ុន្តែច្រៀងមិនអស់ឡើយ ដោយសារតែពេលវេលាខ្លី។ បទចម្រៀងទាំងនោះ ភាគច្រើននិយាយពីរមណីយដ្ឋានរបស់ប្រទេសកម្ពុជា និង បទមនោសញ្ចេតនា មួយចំនួន។
ប្រធានក្រុមតន្ត្រីរូបនេះបានឲ្យដឹងទៀតថា ក្រុមតន្ត្រីក្រសួងទេសចរណ៍ ភាគច្រើនតែងតែមានមុខនៅក្នុងកម្មវិធីថ្នាក់ជាតិ ក៏ដូចជាពិធីជប់លៀងធំៗ ហើយបទចម្រៀងដែលច្រៀង ធ្វើឡើងតាមម្ចាស់កម្មវិធីតម្រូវ ក្នុងនោះតែងតែបញ្ចូលនៅបទចម្រៀង របស់ក្រសួងទេសចរណ៍ដែលនិយាយពីរមណីយដ្ឋានរបស់ប្រទេសកម្ពុជា ជានិច្ច។ ក្រៅពីការច្រៀង កម្មវិធីយប់មិញនេះ ក៏មានបង្ហាញរបាំជាតិ របស់ប្រទេសទាំងពីរផងដែរ៕
អត្ថបទ៖ ខុត សីហា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
