“ព្រាយខ្លា" ពីប្រទេសកម្ពុជាបង្កចលាចលផ្អើលអ្នកស្រុកថៃ

2014-09-30 22:15:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រាយខ្លា (Sming) ដែលជាសត្វខ្លាមានមហិទ្ធិឫទ្ធិអាចប្រែខ្លួនជាមនុស្សដើម្បីបញ្ឆោតចំណីរបស់ខ្លួន បានបង្កចលាចលក្នុងភូមិអ្នកស្រុកដាច់ស្រយាលមួយនៅប្រទេសថៃ។ នេះគឺជាគំនុំសងសឹកដ៏ក្ដៅគគុករវាងព្រាយខ្លា និងព្រានព្រៃ Pran Boon ដែលកើតឡើងក្រោយពីព្រានព្រៃម្នាក់នោះបានសម្លាប់កូនព្រាយខ្លា ដើម្បីជួយសង្គ្រោះជីវិតក្មេងម្នាក់ចេញពីចង្កូមរបស់វា។ ក្រោយឃើញគេសម្លាប់កូនខ្លួនឯងដូច្នេះ ព្រាយខ្លាបានចាប់ផ្ដើមវាយលុកចូលភូមិរបស់ Pran Boon ដើម្បីសងសឹក ដែលបានធ្វើឲ្យប្រពន្ធរបស់ Boon ស្លាប់ ហើយកូនស្រីរបស់គេរងរបួស។

ដោយដឹងថាខ្លួន និងកូនស្រី នឹងមិនអាចរស់នៅបានសុខ ដរាបណាព្រាយខ្លានៅតែមានជីវិត Pran Boon ក៏ចាប់ផ្ដើមចូលព្រៃដើម្បីតាមប្រមាញ់ព្រាយខ្លា ដែលជាគូសត្រូវដ៏គ្រោះថ្នាក់បំផុតរបស់គេ ជាមួយព្រានព្រៃម្នាក់ទៀតមកពីប្រទេសចិន។

ស្របពេលដែលការវាយប្រហាររបស់ព្រាយខ្លាលើអ្នកភូមិកាន់តែរីករាលឡើង គេក៏បានបញ្ជូនកម្លាំងបន្ថែមដើម្បីតាមប្រមាញ់សត្វដ៏សាហាវនោះ ដែលរួមមានទាំងអ្នកប្រមាញ់មកពីប្រទេសអង់គ្លេសផងដែរ។ ក្រោយមក អ្នកប្រមាញ់មកពីប្រទេសកម្ពុជាម្នាក់បានចេញមុខអះអាងថា សត្វខ្លាមួយនេះគឺជាខ្លារបស់ខ្លួន ដែលបានតាមមកតាំងពីក្នុងព្រៃប្រទេសកម្ពុជាម្ល៉េះ។ តើគេអាចប្រមាញ់ព្រាយខ្លាបានដែរឬយ៉ាងណា? តើអ្នកណាខ្លះនឹងបាត់បង់ជីវិតដោយសារការតាមប្រមាញ់ព្រាយខ្លា?

ចម្លើយទាំងអស់នេះ នឹងមានបកស្រាយនៅក្នុងភាពយន្តរន្ធត់ថ្មីពីប្រទេសថៃ គឺរឿង "ព្រាយខ្លា" ដែលនឹងមានបញ្ចាំងនៅរោងភាពយន្តផ្លាទីនៀម ផ្សារទំនើបសុរិយា ចាប់ពីថ្ងៃទី៣ ខែតុលា ខាងមុខនេះតទៅ។

ទស្សនាឈុតខ្លីៗ៖

http://youtu.be/GVTVhQLMVi8

អានអត្ថបទ៖ “បន្ទប់ពិឃាដ” ភាពយន្តរន្ធត់ដែលយុវវ័យចង់ទស្សនាបានមកដល់ហើយ