រឿង "អាងស្នេហ៍ អាងគំនុំ" ចាក់បញ្ចាំងស្អែកនៅ Platinum Cineplex

2014-09-17 22:39:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តថៃ រឿង The Swimmers ឬ អាងស្នេហ៍ អាងគំនុំ បានបើកសម្ពោធហើយ កាលពីល្ងាចមិញ នៅរោងភាពយន្ត Platinum Cineplex រឿងមួយនេះ នឹងចាក់បញ្ចាំងជូនទស្សនិកជនទស្សនា ចាប់ពីថ្ងៃទី ១៨ ខែ កញ្ញា នេះតទៅ។

សូមចុចអាន៖ ភាពយន្តរបស់ក្រុម One Direction ត្រៀមចូលមកដល់ស្រុកខ្មែរ

លោក ឈុំ ប៊ុនលី ដែលជាបុគ្គលិកទីផ្សាររបស់ Platinum Cineplex បានឲ្យដឹងថា រឿង The Swimmers ឬ អាងស្នេហ៍ អាងគំនុំ ជាខ្សែភាពយន្តមួយ ដែលនិយាយពីការ សងសឹក ស្នេហាត្រីកោណ លងបន្លាច ដោយរឿងមួយនេះ អាចនិយាយបានជាខ្សែភាពយន្ត គួរឱ្យខ្លាចបំផុត នៅក្នុង ខែ កញ្ញានេះ។

បុគ្គលិកទីផ្សាររូបនេះ មិនបានប្រាប់លំអិតពីសាច់រឿងទាំងមូលឡើយ ដោយគ្រាន់តែលើកឡើងថា ប្រសិនបើទស្សនិកជនចង់ដឹងពីសាច់រឿងទាំងមូល សូមអញ្ជើញទៅទស្សនានៅរោងភាពយន្ត Platinum Cineplex ផ្សារសូរិយាជាក់ទី ៥ ទាំងអស់គ្នា ចាប់ពីថ្ងៃស្អែកនេះទៅ។

នៅក្នុងការបើកចាក់បញ្ចាំងជាលើកដំបូងកាលពីល្ងាចមិញនេះមានទស្សនិកជនអញ្ជើញមកទស្សនាភាគច្រើនជាសុទ្ធសឹងតែជាដៃគូរពាណិជ្ជកម្ម និង Fans ដែលបានឈ្នះក្នុងកម្មវិធី Facebook របស់ Platinum Cineplex និង អតិថិជនរបស់ Dell៕