គន្លឹះដ៏ឆ្លាតវៃសម្រាប់អ្នកលេងFacebook កុំអោយគេខឹង

2015-01-14 17:43:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកមិនចង់អោយអ្នកណាម្នាក់មានទំនាក់ទំនងនៅលើ Facebook ដូចជា Like, Comment ឬក៏មើលអ្វីដែលអ្នកបាន Post ជាដើម តែអ្នកមិនហ៊ាន Unfriend ឬក៏ Block គេទេដោយសារតែអ្នកខ្លាចគេខឹង ឬតូចចិត្តនឹងអ្នក តែអ្នកមិនដឹងថាត្រូវធ្វើយ៉ាងណានោះទេ ដូច្នេះក្នុងទំព័រនេះដែរ Sabay នឹងធ្វើការបង្ហាញនូវបួនចំណុចដែលអាចជួយអ្នកបាន ដោយមិនចាំបាច់ Unfriend គេឡើយ។ បើអ្នកមិនទាន់ចេះទេសូមអនុវត្តតាមវិធីខាងក្រោមទាំងអស់គ្នា។

១. កំណត់មិនអោយគេឃើញនូវអ្វីដែល Post

ដើម្បីលាក់នូវអ្វីដែល Post មិនអោយអ្នកណាម្នាក់ឃើញគឺត្រូវកំណត់កន្លែងប៊ូតុង Friend (ខាងក្រោម Status ដែលអ្នកសរសេរ) ហើយជ្រើសយក Custom។

ហើយសរសេរឈ្មោះអ្នកដែលអ្នកមិនចង់អោយឃើញក្នុងប្រអប់ “Don't share this with” ហើយចុច Save Changes។

២. បិទ Chat Online

នៅពេលដែលអ្នកកំពុងតែលេង Facebook នោះ Friend របស់អ្នកប្រាកដជាដឹងថា អ្នកគឺកំពុងតែអនឡាញ។ ដូច្នេះប្រសិនបើអ្នកមិនចង់អោយអ្នកណាម្នាក់ដឹងថាអ្នកកំពុងតែអនឡាញទេ គឺគ្រាន់តែចូលទៅក្នុងកន្លែង Chat ហើយចុចលើឈ្មោះគេម្នាក់នោះ រួចជ្រើសយក សញ្ញា Option ហើយជ្រើសយក Turn Off Chat for. (ឧ. Sam Nang).។

៣. កំណត់ Timeline and Tagging

ក្នុងកន្លែង Timeline and Tagging នេះដែរ យើងអាចធ្វើការកំណត់ទៅលើអ្នកដែលអាចមើលឃើញ Post ដែលអ្នកត្រូវបាន Tag ដោយ Friend និង Post ដែល Friend របស់អ្នកបានបង្ហោះនៅក្នុង Timeline របស់អ្នក។ ដូច្នេះដើម្បីធ្វើការកំណត់វា ត្រូវចូលទៅកាន់ Setting ចុចលើ “Timeline and Tagging” រួចធ្វើការកំណត់ទៅលើជម្រើសសមរម្យណាមួយដែលចង់បាន ហើយចុចប៊ូតុង Edit។

៤. កំណត់ Unfollow ប្រសិនបើអ្នកមិនចង់ឃើញរាល់ការ Update ឬ Post របស់អ្នកណាម្នាក់នៅលើ Facebook គឺគ្រាន់តែ Unfollow ពួកគេទៅជាការស្រេច។ ដើម្បី Unfollow គឺគ្រាន់តែចុចនៅលើសញ្ញាព្រួញដែលស្ថិតនៅផ្នែកខាងស្ដាំនៃឈ្មោះរបស់គេម្នាក់ក្នុង Post ណាមួយនោះ ហើយចុចយកពាក្យ Unfollow.....។