“My Love, My Bride” ភាពយន្តទើបមកដល់ថ្មី កំប្លែងហើយ រ៉ូមែនទិកទៀត

2015-01-15 22:57:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តកំប្លែង និងមនោសញ្ចេតនាដ៏ល្បីល្បាញនៅប្រទេសកូរ៉េ “My Love, My Bride” បានមកដល់រោងភាពយន្តផ្លាទីនៀមផ្សារទំនើបសុរិយាហើយ។

“My Love, My Bride” ដែលសម្ដែងដោយ Jo Jung-suk និង Shin Min-ah រៀបរាប់ពីបញ្ហាក្នុងជីវិតអាពាហ៍ពិពាហ៍របស់គូស្នេហ៍វ័យក្មេងមួយគូ ដែលទើបតែរៀបការថ្មីៗ ឈ្មោះ Young-min និង Mi-young។ អ្នកទាំងពីរបានរៀបអាពាហ៍ពិពាហ៍ជាមួយគ្នាបន្ទាប់ពីរៀនចប់ថ្នាក់មហាវិទ្យាល័យ។ ក្រោយរាត្រីទឹកឃ្មុំកន្លងទៅមិនបានប៉ុន្មាន ពួកគេក៏ចាប់ផ្ដើមមានបញ្ហាឈ្លោះប្រកែកគ្នា រួមជាមួយការយល់ច្រឡំគ្នាទៅវិញទៅមក។ ប៉ុន្តែបញ្ហាទាំងនេះហើយ ដែលធ្វើឲ្យពួកគេស្គាល់ថា អ្វីទៅជាស្នេហាពិត។

ខ្សែភាពយន្តនេះ បានទទួលការគាំទ្រជាច្រើននៅប្រទេសកូរ៉េខាងត្បូង ដោយអាចជាប់ចំណាត់ថ្នាក់លេខមួយ ជាភាពយន្តរកចំណូលខ្ពស់បំផុត ពីរសប្ដាហ៍ជាប់គ្នា បន្ទាប់ពីចាក់បញ្ចាំង។

“My Love, My Bride” ឬ "គូស្នេហ៍ឧត្ដមភរិយា" នឹងមានបញ្ចាំងនៅរោងភាពយន្តផ្លាទីនៀម ចាប់ពីថ្ងៃទី១៦ ខែមករា ឆ្នាំ២០១៥ នេះហើយ។ ចង់ដឹងថាភាពយន្តនេះ កំប្លែង និងរ៉ូមែនទិកយ៉ាងណានោះសូមកុំភ្លេចចូលរួមទស្សនាទាំងអស់គ្នា។

ទស្សនាឈុតខ្លីៗខាងក្រោមនេះ៖

http://youtu.be/xOuipUBZua0