ប្រទេសមួយនៅអាហ្វ្រិក មានអ្នកឆ្លងអេបូឡា ៥នាក់ក្នុងមួយម៉ោង

2014-10-02 22:22:57
ចំនួនមតិ 0 | ចំនួនចែករំលែក 0

ចន្លោះមិនឃើញ

អង្គការ Save The Children បានសម្ដែងក្ដីបារម្ភចំពោះការរីករាលដាលយ៉ាងឆាប់រហ័សនៃមេរោគមរណៈអេបូឡា ដែលមានអ្នកឆ្លងជាមធ្យម ៥នាក់ក្នុងមួយម៉ោង ដោយគិតតែក្នុងប្រទេសសេរ៉ាឡេអូនមួយប៉ុណ្ណោះ។

អង្គការមនុស្សធម៌ឈានមុខមួយនេះបានបង្ហាញថា ត្រឹមមួយសប្ដាហ៍មុន អេបូឡាបានឆ្លងដល់មនុស្ស ៧៦៥នាក់បន្ថែមទៀត ដែលជាចំនួនច្រើនបំផុត ខណៈគ្រែសម្រាប់អ្នកជំងឺនៅសល់ត្រឹមតែ ៣២៧ ប៉ុណ្ណោះក្នុងប្រទេសសេរ៉ាឡេអូន។

អ្នកជំនាញ និងអ្នកនយោបាយមានគម្រោងរៀបចំកិច្ចប្រជុំមួយនៅទីក្រុងឡុងដុង ចក្រភពអង់គ្លេស ដើម្បីពិភាក្សាជាសាកលឆ្លើយតបទៅនឹងវិបត្តិរីករាលដាលនៃមេរោគកំណាចអេបូឡា។

មកដល់ពេលនេះ មនុស្ស ៣៣៣៨ នាក់ហើយដែលបានបាត់បង់ជីវិតដោយអេបូឡា។ ចំណែកជនរងគ្រោះ ៧១៧៨នាក់ទៀត កំពុងមានផ្ទុកមេរោគមរណៈមួយនេះ ដោយមានប្រទេសបីរងគ្រោះខ្លាំងជាងគេគឺ សេរ៉ាឡេអូន លីបេរីយ៉ា និងប្រទេសហ្គីណេ៕

ចុចអាន៖ អេបូឡា ទៅដល់អាមេរិកហើយ

រឿងរ៉ាវជាច្រើនទៀតទាក់ទងនឹងមេរោគអេបូឡា៖ ចុចទីនេះ

ប្រែសម្រួល៖ គង់ វិសាល

ប្រភព៖ bbc