ជយោ! Secret កម្ពុជាឈ្នះពានរង្វាន់អន្តរជាតិ MATIC 2015 ហើយ

2015-01-18 23:04:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុត ព្រឹត្តិការណ៍ប្រកួតស្វែងរកជើងខ្លាំងកីឡាអេឡិចត្រូនិកអន្តរជាតិ MATIC 2015 បានរកឃើញជើងខ្លាំងពិតប្រាកដហើយ ក្រោយពីបានចំណាយពេលជាច្រើនខែក្នុងការប្រកួតជម្រុះចម្រាញ់តាំងពីលើកដំបូងនៅតាមខេត្តក្រុង រហូតដល់ថ្នាក់ជាតិ និងលក្ខណៈអន្តរជាតិដែលទើបតែចប់ទៅអម្បាញ់មិញនេះ ដោយចំណាត់ជើងឯកបានទៅលើក្រុមរបស់កម្ពុជាយើងគឺ Secret ខណៈជើងឯករងបានទៅលើក្រុម EDP Team AK និងលេខ ៣ បានទៅលើក្រុមកម្ពុជាមួយទៀតគឺ MD ឯលេខ ៤ បានទៅលើក្រុម EDP RoG ម៉ាឡេស៊ី។

លទ្ធផលប្រកួតវគ្គផ្ដាច់ព្រ័ត្ររវាងក្រុម Secret និងក្រុម EDP Team AK

Secret 0-1 EDP Team AK Secret 1-1 EDP Team AK Secret 1-2 EDP Team AK Secret 1-3 EDP Team AK Secret 2-3 EDP Team AK Secret 3-3 EDP Team AK Secret 4-3 EDP Team AK Secret 4-4 EDP Team AK Secret 5-4 EDP Team AK

លទ្ធផលប្រកួតដណ្ដើមតំណែងលេខ ៣ និងលេខ ៤ រវាងក្រុម MD និងក្រុម EDP RoG

MD 0-1 EDP RoG MD 1-1 EDP RoG MD 1-2 EDP RoG MD 2-2 EDP RoG MD 3-2 EDP RoG MD 3-3 EDP RoG MD 3-4 EDP RoG MD 4-4 EDP RoG MD 5-4 EDP RoG

សម្រាប់ជយលាភីលេខ ១ របស់ក្រុម Secret ដែលទើបតែទទួលបានអម្បាញ់មិញនេះ គឺជាជ័យជម្នះដ៏ធំធេងមួយក្នុងប្រវត្តិសាស្ត្រប្រកួតកីឡាអេឡិចត្រូនិកប្រទេសកម្ពុជា ក៏ដូចជាប្រិយមិត្តដែលនិយមគាំទ្រកីឡាអេឡិចត្រូនិកផងដែរ ព្រោះវាជាជ័យជម្នះដំបូងរបស់ប្រទេសកម្ពុជាក្នុងការគ្រងតំណែងជើងឯកប្រចាំព្រឹត្តិការណ៍ MATIC (Mission Against Terror International Championships) ខណៈ ៣ ឆ្នាំកន្លងទៅជយលាភីដ៏ធំបំផុតរបស់កម្ពុជាគឺចំណាត់ថ្នាក់ជើងឯករងដែលធ្វើបានដោយក្រុម NeverCare។

ជាមួយនឹងលទ្ធផលដ៏គួរឲ្យភ្ញាក់ផ្អើល ទាំងខ្លួនមិនធ្លាប់មានបទពិសោធន៍លើឆាកប្រកួតអន្តរជាតិនេះ ម្ចាស់ជើងឯកកម្ពុជាក្រុម Secret ទទួលបានប្រាក់រង្វាន់ចំនួន ១៥.០០០ ដុល្លារអាមេរិក និងពានរង្វាន់កិត្តិយសធំមួយ ខណៈក្រុមជើងឯករង EDP Team AK របស់ម៉ាឡេស៊ីទទួលបានប្រាក់រង្វាន់ចំនួន ៧.០០០ ដុល្លារអាមេរិក និងពានរង្វាន់កិត្តិយសចំនួន ១ ឯម្ចាស់ជយលាភីលេខ ៣ ក្រុមកម្ពុជា YouWillKnow ទទួលបានប្រាក់រង្វាន់ចំនួន ៤.០០០ ដុល្លារអាមេរិក និងពានរង្វាន់កិត្តិយសចំនួន ១ និងម្ចាស់ជយលាភីលេខ ៤ ទទួលបានប្រាក់រង្វាន់ចំនួន ២.៥០០ ដុល្លារអាមេរិក និងពានរង្វាន់កិត្តិយសចំនួន ១។