Mutan ប្រធានក្រុម Secret ជាកីឡាករល្អបំផុតប្រចាំ MATIC 2015

2015-01-19 00:54:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្រុម Secret ម្ចាស់ជើងឯក MATIC 2015 មិនត្រឹមទទួលបានពានរង្វាន់កិត្តិយសជាក្រុមនោះទេ តែថែមទាំងទទួលបានពានរង្វាន់ផ្ទាល់ខ្លួនមួយទៀតនោះគឺ ពានរង្វាន់កិត្តិយស កីឡាករល្អបំផុតប្រចាំព្រឹត្តិការណ៍ប្រកួត MATIC 2015 ទៀតផង។

មុនដំណើរប្រគល់ពានរង្វាន់អបអរសាទរដល់ម្ចាស់ជយលាភី MATIC 2015 មកដល់ ក្រុមការងារ MATIC 2015 របស់ម្ចាស់ផ្ទះប្រទេសចិន បានប្រគល់ពានរង្វាន់កិត្តិយសផ្ទាល់ខ្លួនដល់កីឡាករកម្ពុជាគឺ Mutan ដែលជាប្រធានក្រុមជើងឯក MATIC 2015 ក្នុងនាមជាកីឡាករល្អបំផុតប្រចាំព្រឹត្តិការណ៍ប្រកួត MATIC 2015 ដែលបានដឹកនាំ និងជួយក្រុម Secret ដែលជាក្រុមថ្មី មិនដែលមានបទពិសោធន៍ប្រកួតលើឆាកអន្តរជាតិ ឈ្នះពានរង្វាន់ MATIC 2015 នេះ។

ទទួលបានពានកីឡាករល្អប្រចាំព្រឹត្តិការណ៍រួចភ្លាម Mutan បាននិយាយទាំងអារម្មណ៍រំភើបញញឹមបិទមាត់មិនជិតថា រួបគេពិតជាមានអារម្មណ៍រំភើបសប្បាយរីករាយមែនទែន ដែលទទួលបានពានរង្វាន់មួយនេះ ទាំងគេមិនធ្លាប់គិត ព្រោះ Mutan គិតថាសមត្ថភាពរបស់ខ្លួននៅមានកម្រិតបើប្រៀបជាមួយកីឡាករ MATIC ដទៃទៀត។

អត្ថបទ៖ ភីឆាយ