​​​ពេល​ណា​​ទើបជា​​​​​ទី​​​បញ្ចប់​នៃ​​ការ​​ពុះ​​ផ្លូវ​រៀប​លូ​នៅ​ភ្នំពេញ?

  • 2014-10-02 23:39:34
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ប្រជាជន​នៅ​ភ្នំ​ពេញ​​​មួយ​ចំនួន​​​លើក​​ឡើង​ថា​​ ការ​ពុះ​ទ្រូង​ផ្លូវ​​ដាក់​លូ ​​ដើម្បី​បណ្ដោះ​​​​​ទឹក​កុំ​​ឲ្យ​​​ជន់​ខ្លាំង​ពេល​​ភ្លៀង​​​ ហាក់​យឺត​យ៉ាវ​​ ហើយ​ចោទ​​​ថា​តើ​​​​គម្រោង​ដែល​លើក​​សោភ័ណភាព ​​​និង​​ផ្ដល់​ភាព​ងាយ​ស្រួល​ដល់​ពលរដ្ឋ​​​របស់​អាជ្ញាធរ​​​រាជ​​ធានី​​​​​​នឹង​បញ្ចប់​នៅ​ពេល​ណា?

 

ប្រជាជន​ខ្លះ​ថា​ការ​​​ដាក់​បារ៉ាស់​​ធ្វើ​លូ​ទាំង​នេះ​នៅ​ផ្លូវ​សំខាន់​​មួយ​ចំនួន ​​​ជា​ផ្នែក​មួយ​ធ្វើ​ឲ្យ​ចរាចរណ៍​កាន់​តែ​​ចង្អៀត​​អាក្រក់ ពិសេស​ពេល​ល្ងាច ពេល​ភ្លៀង​ធ្លាក់។ ​​

 

ឆ្លើយ​តប​នឹង​បញ្ហា​នេះ​លោក សាំ ពិសិដ្ឋ ប្រធាន​មន្ទីរ​សាធារណការ​​ និង ដឹក​ជួន​រាជ​ធានី​ភ្នំពេញ​ថា​​មក​ទាល់​ពេល​នេះ​​​​សកម្មភាព​​រៀប​លូ​នៅ​ ភ្នំពេញ មិន​អាច​កំណត់​បាន​ថា​បាន​ប៉ុន្មាន​​ ឬ​ត្រូវ​ការ​ពេល​ប៉ុណ្ណា​ទៀត​ឲ្យ​រួច​រាល់​ទេ។ លោក​បដិសេធន៍​ ថាការ​​ដោះស្រាយ​ប្រព័ន្ធ​លូ​នេះ ​មិន​យឺតយ៉ាវ​ទេ។ ការងារ​នេះ​ត្រូវ​ការ​​​​ពេល​វេលា​ច្រើន ព្រោះ​ថា​​ប្រព័ន្ធ​លូ​​​ពេញ​​ក្រុង​ទាំង​អស់ ​ត្រូវ​​ការ​រៀប​ចំ​​។

 

លោក​លើក​ឡើង​​ថា​ប្រវែង​លូ​​​​ទូទាំង​ ភ្នំពេញ មាន​​សរុប​ ១ ៨៨៣ គីឡូម៉ែត្រ​ដែល​សុទ្ធ​តែ​ត្រូវការ​​​​រៀប​ប្រព័ន្ធ​លូ​​។ ប៉ុន្តែ​បច្ចុប្បន្ន​​នេះ​ប្រព័ន្ធ​លូ​មាន​តែ​ ៤៦៩​ គីឡូម៉ែត្រ​ប៉ុណ្ណោះ។ ​"​​​អីចឹង​បើ​ផ្លូវ​ណា​មាន​លូ​សង​ខាង​ទៀត ​ប្រវែង​លូ​វា​ឡើង ១​ ៨៨៣ គុណ​នឹង​២​ គិត​ទៅ​ច្រើន​ណាស់។​ យើង​​ធ្វើ​​ទៅ​​តាម​​សម្រួល​ ​ទៅ​​​តាម​​​កម្លាំង ហើយ​​សាលា​រាជ​ធានី​ដោះ​ស្រាយ​​មក​តែ​រហូត​​"​។ ​

 

http://youtu.be/vH7Xc65PBC4  អត្ថបទ៖ ប៉ែន សុផាន់ណា