តារា​ចម្រៀង​​អាមេរិក Miley Cyrus និង​សង្សារ​ជា​តារា​សម្ដែង Patrick Schwarzenegger បាន​បង្អួត​រាង​សិចស៊ី​ទាំង​ពីរ​នាក់ អំឡុង​ពេល​វិស្សមកាល​ជាមួយ​គ្នា ​លើ​​កោះ Maui នៅ Hawaii កាល​ពី​ថ្ងៃ​អាទិត្យ កន្លង​ទៅ។ ​

ក្នុង​ឱកាស​វិស្សមកាល​ដ៏​រីករាយ​នេះ គេ​ឃើញ​តារា​ចម្រៀង​វ័យ ២២ឆ្នាំ Miley Cyrus និង​សង្សារ​ថ្មី​វ័យ ២១ឆ្នាំ បណ្ដើរ​គ្នា​យ៉ាង​ស្និទ្ធ ពី​សួន​ច្បារ​ទៅ​កាន់​មាត់​សមុទ្រ ដោយ​ Miley Cyrus ស្លៀក​ត្រឹម​តែ​ឈុត​ប៊ីគីនី ហើយ​សង្សារ​របស់​នាង​ស្លៀក​តែ​ខោ​ខ្លី​មួយ​ប៉ុណ្ណោះ។

តារា​ល្បី​ទាំង​​រូប ​បាន​ក្លាយ​ជា​គូ​ស្នេហ៍​នឹង​គ្នា​កាល​ពី​ខែ​វិច្ឆិកា​ឆ្នាំមុន។ ពួក​គេ​ក៏​ធ្លាប់​ចំណាយ​ពេល​ដ៏​រីករាយ​ជាមួយ ​តារា​សម្ដែង Arnold ដែល​ជា​​ឪពុក​របស់​ Patrick ដែរ នៅ​ទីក្រុង Las Vegas រដ្ឋ Nevada ក្នុង​ពិធី​ជប់លៀង​ឆ្លង​ឆ្នាំ​កន្លង​ទៅ ៕​​

ចុច​អាន៖ Miley Cyrus ​​​​បង្ហាញ​គ្រប់​យ៉ាង​​​ដាក់​ទស្សនាវដ្ដី​ដោយ​មិន​ញញើត