កែវររមៀតខ្មែរ វេបសាយមហាសេដ្ឋីអាស៊ីថាជាស្វាយល្បីនិងឆ្ងាញ់លើលោកនិងលក់ថ្លៃមិនធម្មតា

2015-01-20 23:27:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្វាយកែវរមៀត កម្ពុជា យ៉ាងហោចណាស់ថ្លៃជាង ស្វាយថៃ ទ្វេដង បើនិយាយពីតម្លៃលក់លើវេបសាយទិញលក់ធំបំផុតនៅចិន Alibaba របស់មហាសេដ្ឋីអាស៊ី Jack Ma។

ស្វាយនាំចេញពីកម្ពុជាប្រភេទនេះមានតម្លៃពី ៥ទៅ៩ដុល្លារអាមេរិកក្នុងមួយគីឡូក្រាម។ ឯស្វាយថៃ Nam Dok Mai ដែលលក់លើវេបសាយជាមួយគ្នានេះវិញ មានតម្លៃចន្លោះពី ២,៥ ទៅ ៥,៥ដុល្លារប៉ុណ្ណោះក្នុងមួយគីឡូក្រាម។

ពន្យល់ពីតម្លៃថ្លៃ Alibaba បានឃោសនាពីស្វាយដែលត្រូវចាយពេល៣,៥ឆ្នាំដើម្បីបានផលបន្ទាប់ពីដាំនេះថា ៖ «កែវរមៀត (Kaovrameat ) ស្វាយដ៏ឈ្មុយឆ្ងាញ់និងល្បីល្បាញលើពិភពលោកមកពី កម្ពុជា»។

ក្រៅពីនាំចេញទៅចិន ស្វាយកម្ពុជាមួយបែបនេះនេះត្រូវបានក្រុមហ៊ុន ម៉ុងឬទ្ធីគ្រុប នាំចេញទៅប្រទេសមួយចំនួនទៀតទូទាំងពិភពលោកដូចជា សិង្ហបុរី ជប៉ុន និង កូរ៉េ ជាដើម ហើយកាលពី២០១៣ក្រុមហ៊ុននេះហោចណាស់បានបោះទុនជាង ២លានដុល្លារសាងសង់រោងចក្រលើដី១២ហិចតា នៅខេត្តព្រះសីហនុ វេចខ្ចប់និងត្រួតពិនិត្យគុណភាពផលិតផលស្វាយដាំដោយក្រុមហ៊ុនឧកញ្ញ៉ាពាណិជ្ជកម្មកសិកម្មរួបនេះ ទៅកាន់អន្តរជាតិជាលើកដំបូង៕

អត្ថបទ៖ ប៉ែន សុផាន់ណា