ក្ដារចុចវាយអក្សរខ្មែរបានលឿនលើ Android អាចប្រើបាននៅចុងខែនេះ

2015-01-22 16:45:47
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក គ្រុយ វណ្ណា ដែលជាអ្នកបង្កើតក្ដារចុចឆ្លាតវៃសម្រាប់ប្រើនៅលើ iOS កន្លងមកឥឡូវកំពុងគ្រោងបញ្ចប់ការធ្វើក្ដារចុចខ្មែរមួយនេះនៅលើ Android ដែលគ្រោងចេញឲ្យប្រើនាចុងខែមករានេះ។

លោកគ្រុយ វណ្ណា បានឲ្យដឹងថា ដោយមានការគាំទ្រប្រើប្រាស់ពីការបង្កើតក្ដារចុចឆ្លាតវៃពីប្រិយមិត្តនៅលើ iOS 8 កន្លងមក ដូចនេះលោកក៏មានកម្លាំងចិត្តក្នុងការបន្តធ្វើក្ដារចុចមួយនេះនៅលើ Android ជាជំហានបន្ទាប់។

លោកបន្តថា ការដែលបានសម្រេចនូវស្នាដៃនេះគឺដោយសារមានការឧបត្ថម្ភនិងថវិកាដែលលោកបានពីការលក់អាវយឺត ដើម្បីអាចយកទៅអភិវឌ្ឍកម្មវិធីក្ដារចុចឆ្លាតវៃនេះនៅលើ Android ដូចដែលលោកបានសន្យាកន្លងមក។

http://youtu.be/rb6clplISyE

ដូចនេះប្រិយមិត្តដែលនិយមប្រើប្រាស់ប្រព័ន្ធប្រតិបត្តិការ Android ឥឡូវនឹងងាយស្រួលក្នុងការវាយអក្សរខ្មែរដោយក្ដារចុចខ្មែរឆ្លាតវៃនឹងដាក់លើ PlayStore នាចុចខែមករានេះ ដែលអាចទាញយកដោយស៊េរី។

ប្រិយមិត្តអាចទំនាក់ទំនងលោកគ្រុយ វណ្ណា តាមលេខទូរសព្ទ ០១១ ៩៥៥ ៥៩៥ សម្រាប់ព័ត៌មាននិងការសាកសួរបន្ថែម និង រយៈ Page Facebook ផ្ទាល់ដោយ ចុចត្រង់នេះ...៕

http://youtu.be/uFE4Nja_pQQ

ចុចអាន៖ Sabay ឧបត្ថម្ភក្រុមបង្កើតក្តារចុចខ្មែរឆ្លាតវៃ បន្តបង្កើតសមិទ្ធផលជួយសង្គម

ចុចអាន៖ និស្សិតខ្មែររៀននៅជប៉ុនបង្កើតក្ដារចុចឆ្លាតវៃជួយឲ្យការវាយអក្សរខ្មែរលឿនទ្វេដង

អត្ថបទ៖ ដារ៉ាឆានី