Bill Gates បោកពិធីករល្បីអាមេរិកឲ្យផឹកទឹកចម្រាញ់ពីលាមកមនុស្ស

2015-01-23 16:33:21
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលមហាសេដ្ឋីបច្ចេកវិទ្យាលោក Bill Gates បានបោកបញ្ឆោតពិធីករជនជាតិអាមេរិកដ៏ល្បី លោក Jimmy Fallon ឱ្យផឹកទឹកចម្រាញ់ចេញពីលាមក និងទឹកនោមរបស់មនុស្ស។

លោក Bill Gates បានចូលរួមក្នុងកម្មវិធី “The Tonight Show With Jimmy Fallon” ដែលផ្ដោតលើប្រធានបទ "គម្រោងមូលនិធិផលិតម៉ាស៊ីនចម្រាញ់កាកសំណល់មនុស្សឱ្យទៅជាទឹកស្អាត (Omniprocessor )" របស់លោក (Bill Gates) និងភរិយា Melinda Gates ដោយមានវត្តមាន Jimmy Fallon ជាពិធីករដ៏ល្បី ដើម្បីស្វាគមន៍។

នៅក្នុងកម្មវិធីនោះ លោក Jimmy ត្រូវមហាសេដ្ឋី Bill Gates អញ្ជើញឲ្យជ្រើសរើសទឹកមួយកែវ (ក្នុងចំណោមពីរកែវដែលសុទ្ធតែជាទឹកចម្រាញ់ពីលាមក) ហើយ Jimmy ក៏បានជ្រើសយកទឹកក្នុងកែវលេខពីរ ដែលគាត់ជឿជាក់ថាជាទឹកសុទ្ធពិតៗ មិនមែនចម្រាញ់ពីកាកសំណល់មនុស្ស។ ក្រោយពី Jimmy ផឹករួច ទើប Bill Gates ប្រាប់ថា ទឹកដែលគាត់ (Jimmy) ផឹកយ៉ាងឆ្ងាញ់ពិសានោះ ជាទឹកសុទ្ធចម្រាញ់ពីលាមកមនុស្ស ដែលនេះធ្វើឲ្យ Jimmy ស្ទើរដាច់ផ្ងារ។

មូលហេតុដែល Bill Gates បង្កើតគម្រោងចម្រាញ់ទឹកស្អាតពីកាកសំណល់មនុស្សនេះ ដោយសារលោកគិតថា យ៉ាងហោចណាស់មានមនុស្សប្រមាណ ២ពាន់លាននាក់នៅជុំវិញពិភពលោក ពុំមានទឹកស្អាតប្រើគ្រប់គ្រាន់ឡើយ ហើយគម្រោងនេះនឹងជួយផ្គត់ផ្គង់ទឹកស្អាតបានមួយចំណែកដល់ពួកគេ៕

វីដេអូ៖