ជម្រះមន្ទិលរឿងសាំងមិនគ្រប់លីត្រតាមស្ថានីយ ក្រសួងផ្តើមបញ្ចេញសាច់ដុំ

2015-01-27 16:48:41
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ទិលសង្ស័យរឿងប្រេងសាំងមិនគ្រប់លីត្រ បាននាំឲ្យមន្ត្រីជំនាញអគ្គនាយកដ្ឋានកាំកុងត្រូល នៃក្រសួងពាណិជ្ជកម្ម បានចុះត្រួតពិនិត្យរកបរិមាណ និងគុណភាពប្រេងសាំង នៅតាមបណ្តាស្ថានីយចាក់សាំងមួយចំនួន ក្នុងរាជធានីភ្នំពេញ កាលពីចុងសបា្តហ៍មុន។ នេះបើតាមគេហទំព័រក្រសួងពាណិជ្ជកម្ម។

ការចុះត្រួតពិនិត្យ ដែលមិនឲ្យម្ចាស់ស្ថានីយដឹងជាមុននេះ ទំនងត្រូវបានធ្វើឡើងឆ្លើយតបទៅនឹងមន្ទិលសង្ស័យពីអតិថិជនមួយចំនួន ចំពោះបរិមាណសាំងក៏ដូចជាគុណភាពសាំងអន់ ខណៈចាប់តាំងពីដើមឆ្នាំ២០១៥មក រដ្ឋាភិបាលបានប្រកាសបញ្ចុះតំលៃប្រេងសាំងជាច្រើនដង។ បច្ចុប្បន្នតំលៃប្រេងសាំងនៅរង្វង់ ៤.០០០ រៀលក្នុងមួយលីត្រ។

ប្រភពព័ត៌មានឲ្យដឹងទៀតថា មន្ត្រីកាំកុងត្រូលបានចុះទៅស្ថានីយចែកចាយ Caltex, Total, Tela, PTT និង Sokimex ដោយ មិនឲ្យម្ចាស់ស្ថានីយ៍ដឹងមុននោះទេ ហើយ ជាលទ្ធផលនៃការត្រួតពិនិត្យបង្ហាញថាត្រឹមត្រូវទាំង បរិមាណ និងគុណភាព៕