"American Sniper” ឈរកំពូលតារាង Box Office សប្ដាហ៍នេះ

2015-01-28 18:16:40
ចំនួនមតិ 0 | ចំនួនចែករំលែក 0

ចន្លោះមិនឃើញ

សប្ដាហ៍នេះ ខ្សែភាពយន្ត "American Sniper” បានជាប់លេខមួយលើតារាង Box Office អាមេរិក ដោយរកបាន ៦៤,៦ លានដុល្លារពីការចាក់បញ្ចាំងទូទាំងសហរដ្ឋអាមេរិកក្នុងសប្តាហ៍នេះ។

“American Sniper” និយាយរៀបរាប់ពីប្រវត្តិពិតរបស់អ្នកបាញ់ស៊ីបជោគជ័យបំផុតក្នុងប្រវត្តិសាស្ត្រអាមេរិកបម្រើការនៅ U.S. Navy SEAL គឺលោក Chris Kyle។ ក្នុងពេលបំពេញបេសកកម្មនៅអ៊ីរ៉ាក់ លោកបានសម្លាប់សត្រូវបាន ២៥៥ នាក់ ក្នុងនោះ ១៦០ នាក់ត្រូវបានបញ្ជាក់ថា ស្លាប់ពិតប្រាកដ។ គាត់ជាស្វាមី និងឪពុកដ៏ល្អម្នាក់។ ទោះជាមានជំនាញបាញ់ត្រង់នៅលើសមរភូមិ Chris បែរជាស្លាប់ក្រោមដៃមិត្តភ័ក្ដិរបស់លោកពេលបង្រៀនមិត្តភ័ក្ដិរូបនោះបាញ់កាំភ្លើង នៅកន្លែងហាត់បាញ់កាំភ្លើងដោយបញ្ហាបច្ចេកទេស។

ចំណាត់ ថ្នាក់ទីពីរបានទៅលើ ខ្សែភាពយន្ត "The Boy Next Door” ដែលទើបចាក់បញ្ចាំងបានមួយសប្ដាហ៍ ហើយចំណាត់ថ្នាក់លេខ៣ គឺភាពយន្ត "Paddington”។ ចំណែក "The Wedding Ringer” បានជាប់ចំណាត់ថ្នាក់លេខ៤ ដោយអាចរកចំណូលបានជាង ១១,៣ លានដុល្លារ ក្នុងសប្ដាហ៍ទី២ របស់ខ្លួន ស្របពេល”Taken 3” ឈរនៅចំណាត់ថ្នាក់លេខ ៥ ដោយមានចំណូល ៧,៤ លានដុល្លារ។

ខាងក្រោមនេះ គឺជាចំណាត់ថ្នាក់ភាពយន្តកំពូលទាំង ១០លើ តារាង Box Office អាមេរិក (ចំណូលចុងសប្ដាហ៍គិតចាប់ពីថ្ងៃទី៩ ដល់ទី១១ ខែមករា)៖

ល.រ	ចំណងជើងភាពយន្ត	ចំណូលចុងសប្ដាហ៍	ចំណូលសរុប	សប្ដាហ៍ទី
១	American Sniper	៦៤,៦ លានដុល្លារ	២០០,៤លានដុល្លារ	៥
២	The Boy Next Door	១៤,៩ លានដុល្លារ	១៤,៩ លានដុល្លារ	១
៣	Paddington	១២,២ លានដុល្លារ	៣៩,៩ លានដុល្លារ	២
៤	The Wedding Ringer	១១,៣ លានដុល្លារ	៧៥,៨ លានដុល្លារ	២
៥	Taken 3	៧,៤លានដុល្លារ	១០១,៦លានដុល្លារ	៣
៦	The Imitation Game	៦,៩ លានដុល្លារ	៦០,៤ លានដុល្លារ	៩
៧	Strange Magic	៥,៥លានដុល្លារ	៥,៥ លានដុល្លារ	១
៨	Selma	៥,៤លានដុល្លារ	៣៩,១លានដុល្លារ	៥
៩	Mortdecai	៤,២	៤,២ លានដុល្លារ	១
១០	Into the Woods	៣,៨ លានដុល្លារ	១២១,៤ លានដុល្លារ	៥