បើឈិន ឡុង និងPacquiao សម្ដែងរឿង "The Expendables 4” យល់ម៉េចដែរ?

2015-01-27 23:21:41
ចំនួនមតិ 0 | ចំនួនចែករំលែក 0

ចន្លោះមិនឃើញ

"The Expendables ” ជាភាពយន្តបាញ់បោះ វាយទាត់ធាក់ ដែលប្រមូលផ្ដុំដោយតារាសម្ដែងហូលីវូដល្បីៗ រួមទាំងតារាអាស៊ី លី លៀនជា។ ប៉ុន្មានខែមុន មានលេចឮពាក្យចចាមអារ៉ាមថា ក្នុងរឿងជាស៊េរី " The Expendables 4” អាចនឹងមានវត្តមាន ឈិន ឡុង និង Pacquiao ដែរ។

ជុំវិញពាក្យចចាមអារ៉ាមខាងលើ បានបណ្ដាលអ្នកលេងអ៊ីធឺណិត និងក្រុមអ្នកសារព័ត៌មាន ជជែកជីកសួរជាហូរហែ។ គេហទំព័រ Air Herald បានឱ្យដឹងថាបើសិន ឈិន ឡុង សម្ដែងមែននោះ ច្បាស់ជាធ្វើឱ្យភាពយន្តថ្មីនេះ កាន់តែល្បីល្បាញជាងភាគមុនៗ។

ប្រភពដដែលបន្តថា បើជារឿងពិត តារាជើងចាស់ខាងលើ នឹងបញ្ចូលក្បាច់គុន ភាពកំប្លុកកំប្លែងរួមគ្នា ហើយធ្វើឱ្យភាពយន្តនេះ ប្រមូលផ្ដុំដោយកំពូលតារាសម្ដែងល្បីៗលើពិភពលោក។

រីឯសារព័ត៌មាន Master Herald បានបង្ហាញថា កាលវិភាគថតភាពយន្តរបស់ ឈិន ឡុង ប្រហែលជាត្រូវកក់ពេញ ប៉ុន្តែចំណុចនេះមិនធ្វើឱ្យ រ៉ាំបូ (Stallone) រួញរា ក្នុងការជ្រើសរើសកំពូលតារាក្បាច់គុននេះឡើយ។ រ៉ាំបូ នឹងរកគ្រប់មធ្យោបាយ ដើម្បីយកតារាកំប្លុកកំប្លែងម្នាក់នេះ។

រ៉ាំបូ និងតារាសម្ដែង ក្នុងខ្សែភាពយន្តហូលីវូដ "The Expendables" ផ្សេងទៀតក៏សង្ឃឹមដូចគ្នាថា ពួកគេនឹងអាចជ្រើសរើសបានតារាអាស៊ីបន្ថែម ហើយក្នុងនោះក៏មាន Manny Pacquiao ដែរ។

ចចាមអារ៉ាមពីការចូលរួមរបស់ កំពូលអ្នកប្រដាល់ហ្វីលីពីន បានលេចឮឡើងពេល រ៉ាំបូ និង Arnold Schwarzenegger ទៅបន្ទប់របស់គេ (Pacquiao) ដើម្បីជូនពរ មុនកីឡាកររូបនេះ ប្រកួតជាមួយ Chris Algieri កាលពី២ខែមុន។

កាលណោះមនុស្សដែលបានឃើញជឿថា ក្រៅពីនិយាយពីការប្រកួតលើសង្វៀន ពួកគេអាចពិភាក្សាគ្នា រឿងចូលរួមសម្ដែងភាពយន្ត "The Expendables" ផងដែរ។

ទោះជាយ៉ាងណា បញ្ហានេះមិនទាន់មានការបញ្ជាក់ច្បាស់លាស់ទេ ហើយតារាទាំងពីរក៏មិនទាន់ចេញមុខមកអះអាងដែរ។ បើសិន ឈិន ឡុង និង Pacquiao ចូលរួមសម្ដែងពិតមែននោះ តើអ្នកយល់យ៉ាងម៉េចដែរ?

អត្ថបទពាក់ព័ន្ធ៖

កូនឈិន ឡុងបន្ទោសឪពុកថា ធ្វើឱ្យធ្លាក់ខ្លួនប្រើគ្រឿងញៀន

Pacman ព្រមឡើងវ៉ៃជាមួយ Floyd ក្នុងតម្លៃ ២០០លានផោន

ប្រែសម្រួល៖ អ៊ុំ សុភក្តិ ប្រភព៖ Latinopost