ម្ចាស់ណិតជនជាតិចិនទទួល Sabay Coin ពីការរៀបចំប្រកួត Ak

2014-10-03 21:24:04
ចំនួនមតិ 0 | ចំនួនចែករំលែក 0

ចន្លោះមិនឃើញ

រង្វាន់ជាសព្វាវុធប្រយុទ្ធមួយឈុតដែលមានអនុភាពខ្លាំងរហូតដល់ទៅផ្កាយ ៨ និងសុពលភាពប្រើប្រាស់ចំនួន ១ ខែពេញ ត្រូវបានសេវាកម្សាន្ត AK ប្រគល់ជូនម្ចាស់ជយលាភីប្រចាំហាងអ៊ីនធឺណិត Cyber FullHouse The Hellgate អម្បាញ់មិញនេះ ខណៈដែលម្ចាស់ Net រៀបចំការប្រកួតទទួលបាន Sabay Coin ច្រើនសន្ធឹកសន្ធាប់។

ក្រោយពីទទួលដំណឹងពីម្ចាស់ហាងអ៊ីនធឺណិត Cyber FullHouse បានរៀបចំការប្រកួតស្វែងរកជើងខ្លាំង AK ប្រចាំណិតភ្លាម ក្រុមការងារសេវាកម្សាន្ត AK បានចុះសួរនាំពីដំណើរការនៃការប្រកួត ក៏ដូចជាពិភាក្សាផ្ដល់យោបល់ពីលក្ខណប្រកួតខ្លះៗ ដើម្បីឲ្យការប្រកួតប្រកបទៅដោយភាពរលូន។

អាន៖ ការពិតលេងហ្គេមមានប្រយោជន៍អីចឹងទេ!

បន្ថែមពីនេះ ដើម្បីលើកទឹកចិត្តដល់ម្ចាស់ហាងអ៊ីនធឺណិតដែលបានគាំទ្រ ហើយតែងតែជ្រើសយកសេវាកម្សាន្ត AK មកប្រកួត ក្រុមការងារសេវាកម្សាន្ត AK បានសម្រេចចិត្តរៀបចំរង្វាន់ជាសម្ភារៈប្រយុទ្ធមួយឈុត ដែលមានអនុភាពខ្លាំងរហូតដល់ទៅផ្កាយ ៨ និងសុពលភាពប្រើប្រាស់ចំនួន ១ ខែពេញ ជូនដល់ម្ចាស់ជយលាភីក្នុងការប្រកួតនោះផងដែរ ខណៈក្រុមការងារផ្នែកលក់បានឧបត្ថម្ភរង្វាន់ជា Sabay Coin យ៉ាងច្រើនដល់ម្ចាស់ណិតនោះ។

ការចូលរួមឧបត្ថម្ភដល់ការប្រកួតនៅតាមបណ្ដាណិតនេះ គឺកើតមានឡើងចំពោះតែហាងអ៊ីនធឺណិតណាដែលបើកការប្រកួតស្វែងរកជើងខ្លាំងសេវាកម្សាន្តណាមួយរបស់ក្រុមគ្រួសារ Sabay Leng ហើយបានផ្ដល់ដំណឹងជូនក្រុមការងារ Sabay តែប៉ុណ្ណោះ។

ព្រឹត្តិការណ៍ប្រកួតស្វែងរកជើងខ្លាំងប្រចាំណិត Cyber FullHouse ដែលរៀបចំឡើងដោយផ្ទាល់ពីលោក Pan XiFu ជនជាតិចិន ម្ចាស់ហាងអ៊ីនធឺណិតបានចាប់ផ្ដើមប្រកួតនៅថ្ងៃទី ២៧ ខែសីហា ហើយបានបញ្ចប់នៅថ្ងៃទី ១៤ ខែកញ្ញា ដោយមានជើងខ្លាំងចំនួន ១៦ ក្រុមបានចូលរួមប្រកួត។ ជាលទ្ធផល ក្រុម TheHellGate បានបាញ់បំបាក់យកឈ្នះដៃគូប្រកួត និងដណ្ដើមបានតំណែងជើងខ្លាំងប្រចាំណិត Cyber FullHouse ដំបូងគេ។

Sabay Leng គាំទ្រការប្រកួតស្វែងរកជើងខ្លាំងប្រចាំណិតជានិច្ច៕

អត្ថបទ៖ ភីឆាយ