កំពូល Playmakers ទាំង១០ ក្នុងពិភពបាល់ទាត់
- 2015-01-30 23:01:29
- ចំនួនមតិ 0 | ចំនួនចែករំលែក 0
កំពូល Playmakers ទាំង១០ ក្នុងពិភពបាល់ទាត់
ចន្លោះមិនឃើញ
Playmakers គឺសំដៅទៅលើកីឡាករដែលនាំលេង ឬពូកែចែកបាល់ដល់មិត្តរួមក្រុមលេង ឬអាចនិយាយបានម្យ៉ាងទៀតថា ជាតំណែងលេខ១០ (Role No.10)។
Sabay សូមធ្វើការបង្ហាញជូននូវកំពូលកីឡាករ Playmakers កំពូលៗទាំង១០រូប នាពេលបច្ចុប្បន្ន ដូចខាងក្រោម៖
១. Cesc Fabregas (Chelsea, អេស្ប៉ាញ)
គឺជាកីឡាករសញ្ជាតិអេស្ប៉ាញ ដែលលេងឲ្យក្រុមអង់គ្លេស Chelsea និងក្រុមជម្រើសជាតិអេស្ប៉ាញ។ កីឡាករវ័យ២៧ឆ្នាំលេងជាខ្សែបម្រើកណ្ដាល ឬខ្សែបម្រើប្រយុទ្ធ ប៉ុន្តែពេលខ្លះក៏អាចលេងជាខ្សែបម្រើស្លាបផងដែរ។ Fabregas លេងមិនបានល្អប៉ុន្មានទេ កាលនៅក្រុម Barca ប៉ុន្តែបន្ទាប់ពីផ្ទេរមកកាន់ក្រុមតោខៀវកាលពីដើមរដូវកាលមក កីឡាករដែលមានកម្ពស់ ១,៧៥ម រូបនេះ លេងឡើងជើងយ៉ាងខ្លាំង។
២. Andres Iniesta (Barcelona, អេស្ប៉ាញ)
គឺជាកីឡាករសញ្ជាតិអេស្ប៉ាញ ដែលលេងឲ្យក្រុម FC Barcelona និងក្រុមជម្រើសជាតិអេស្ប៉ាញក្នុងតំណែងជាខ្សែបម្រើកណ្ដាល។ កីឡាករវ័យ៣០ឆ្នាំ លេងបានល្អណាស់ ជាពិសេសគឺសហការគ្នាបានយ៉ាងល្អជាមួយនឹងកីឡាករ Lionel Messi, Neymar និងខ្សែប្រយុទ្ធ Luis Suarez ។
៣. Andrea Pirlo (Juventus, អ៊ីតាលី)
គឺជាកីឡាករសញ្ជាតិអ៊ីតាលី ដែលលេងឲ្យក្រុម Juventus និងក្រុមជម្រើសជាតិអ៊ីតាលី ក្នុងតំណែងជាខ្សែបម្រើកណ្ដាល។ កីឡាករជើងចាស់វ័យ៣៥ឆ្នាំ នៅតែលេងល្អ ជាពិសេសគឺការទាត់បាល់ពិន័យ (free-kick), ការគ្រប់គ្រងបាល់ និងការបញ្ជូនដល់មិត្តរួមក្រុមជាដើម។
៤. David Silva (Manchester City, អេស្ប៉ាញ)
បច្ចុប្បន្នលេងឲ្យក្រុមម្ចាស់ជើងឯកអង់គ្លេស Manchester City និងក្រុមជម្រើសជាតិអេស្ប៉ាញ។ ភាគច្រើនកីឡាករវ័យ២៩ឆ្នាំរូបនេះ លេងជាខ្សែបម្រើប្រយុទ្ធ ឬអាចលេងជាខ្សែបម្រើស្លាបក៏បាន។ ទោះបីជាមានមាឌតូចល្អិតបន្តិច ប៉ុន្តែ Silva ពូកែជ្រែក, ញាក់ និងស៊ុតបានល្អខ្លាំងណាស់។
៥. Mesut Ozil (Arsenal, អាល្លឺម៉ង់)
បច្ចុប្បន្នលេងឲ្យក្រុមអង់គ្លេស Arsenal និងក្រុមឥន្ទ្រីយ៍ដែកអាល្លឺម៉ង់ ក្នុងតំណែងជាខ្សែបម្រើប្រយុទ្ធ ឬខ្សែបម្រើស្លាប។ អ្នកគាំទ្រក្រុមកាំភ្លើងធំប្រាកដជាគិតថា កីឡាករវ័យ២៦ឆ្នាំរូបនេះលេងមិនបានល្អនោះទេ ប៉ុន្តែមុនផ្ទេរមកកាន់កីឡដ្ឋាន Emirates កាលពីឆ្នាំ ២០១៣ គ្មានកីឡាករណាមួយនៅតំបន់អឺរ៉ុប assists បានច្រើនជាង Ozil នោះទេ។
៦. Angel di Maria (Manchester United, អាហ្សង់ទីន)
បច្ចុប្បន្នលេងឲ្យក្រុមអង់គ្លេស Manchester United និងក្រុមជម្រើសជាតិអាហ្សង់ទីន ក្នុងតំណែងជាខ្សែបម្រើស្លាប ឬបម្រើប្រយុទ្ធ។ កីឡាករវ័យ២៦ឆ្នាំ លេងពុំទាន់បានល្អប៉ុន្មានទេ នៅក្នុងកីឡដ្ឋាន Old Trafford ប៉ុន្តែរូបគេនៅតែជាតួអង្គដ៏សំខាន់សម្រាប់ក្រុមបិសាចក្រហម ក្នុងរដូវកាលនេះ។
៧. Luka Modric (Real Madrid, ក្រូអាត)
បច្ចុប្បន្នលេងឲ្យក្រុមអេស្ប៉ាញ Real Madrid និងក្រុមជម្រើសជាតិក្រូអាត ក្នុងតំណែងជាខ្សែបម្រើកណ្ដាល ប៉ុន្តែក៏អាចជាបម្រើប្រយុទ្ធ និងបម្រើស្លាបផងដែរ។ កីឡាករវ័យ២៩ឆ្នាំ គ្រប់គ្រងបាល់បានល្អ និងលេងបានយ៉ាងល្អនៅក្នុងកីឡដ្ឋាន Estadio Santiago Bernabeu។
៨. James Rodriguez (Real Madrid, កូឡុំប៊ី)
បច្ចុប្បន្នលេងឲ្យក្រុម Real Madrid និងជម្រើសជាតិកូឡុំប៊ី ក្នុងតំណែងជាខ្សែបម្រើប្រយុទ្ធ ឬបម្រើស្លាប។ កីឡាករវ័យ២៣ឆ្នាំ បង្ហាញទម្រង់លេងយ៉ាងល្អឥតខ្ចោះគួរឲ្យកត់សម្គាល់ ជាពិសេសរូបគេគឺជាម្ចាស់បាល់មាស នៅ World Cup កាលពីពេលថ្មីៗនេះផងដែរ។
៩. Miralem Pjanic (AS Roma, បូស្នី-ហឺហ្ស៊េហ្គោវីណា)
បច្ចុប្បន្នលេងឲ្យក្រុមអ៊ីតាលី AS Roma និងក្រុមជម្រើសជាតិបូស្នី ក្នុងតំណែងជាខ្សែបម្រើកណ្ដាល។ កីឡាករវ័យ២៤ឆ្នាំ បានដើរតួរយ៉ាងសំខាន់សម្រាប់ក្រុមអ៊ីតាលីមួយនេះ និងបានជួយឲ្យ Roma ឈរនៅចំណាត់ថ្នាក់លេខ២បច្ចុប្បន្ន។
១០. Mario Gotze ( Bayern Munich, អាល្លឺម៉ង់)
បច្ចុប្បន្នលេងឲ្យក្រុមអាល្លឺម៉ង់ Bayern Munich និងក្រុមជម្រើសជាតិអាល្លឺម៉ង់ ក្នុងតំណែងជាខ្សែបម្រើស្លាបឆ្វេង ឬបម្រើស្លាបស្ដាំ។ កីឡាករវ័យ២២ឆ្នាំ គឺជាតួឯកនៅWorld Cup វគ្គផ្ដាច់ព្រ័ត្រឆ្នាំ ២០១៤ បន្ទាប់ពីស៊ុតគ្រាប់ជ័យជម្នះឲ្យប្រទេសរបស់គេ ឈ្នះក្រុមអាហ្សង់ទីន។
តើប្រិយមិត្តយល់ថា កីឡាករទាំង១០រូបខាងលើនេះ កីឡាករណាមួយស័ក្ដិសមជាកំពូល Playmakers នៅក្នុងចិត្តអ្នក?
ប្រែសម្រួល៖ វិន ជីវ័ន្ត ប្រភព៖ CaughtOffSide