ទៅប្រទេសគេខ្លះ ចង់ថត Selfies អត់បានទេ គេហាមណា៎!

2015-01-31 15:57:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីត្បិតតែស្ទីលនៃការថតខ្លួនឯង (Selfies) មានការពេញនិយមខ្លាំងនាពេលបច្ចុប្បន្ននេះក្ដី ប៉ុន្តែការថតបែបនេះត្រូវបានប្រទេសមួយចំនួនហាមប្រាមទៅវិញ។ ខាងក្រោមនេះជាប្រទេសដែលធ្វើការហាមមិនឲ្យមានការថត Selfieឡើយ ក្នុងហេតុផលផ្សេងៗ។

១. អ៊ីរ៉ង់: ហាមថត Selfies

កីឡាករ ឬគ្រូបង្វឹកមិនអាចថតរូបជាមួយនឹងអ្នកគាំទ្រស្រី ដោយសារការបារម្ភថា អ្នកផ្សេងអាចនឹងយករូបទាំងនោះទៅប្រើប្រាស់គេងចំណេញផ្នែកនយោបាយ ឬធ្វើអ្វីផ្សេងគួរឲ្យអាម៉ាស់។

២. កូរ៉េខាងត្បូង: ដងថត Selfies ត្រូវបានហាមមិនឲ្យប្រើទេ

រដ្ឋាភិបាលហាមមិនឲ្យប្រើដងថត Selfies នោះទេ ព្រោះខ្លាចរលកសញ្ញា Bluetooth ចេញពីឧបករណ៍នេះធ្វើឲ្យប៉ះពាល់ដល់ឧបករណ៍អេឡិចត្រូនិកផ្សេងទៀត ដូចជាទូរសព្ទដៃជាដើម។

៣. ទីក្រុងឡុងដ៍: អាចដាក់បម្រាមហាមប្រើដងថត Selfies

ក្នុងកម្មវិធីមួយចំនួន មានដាក់បិទក្រដាសហាមប្រាមមិនឲ្យប្រើដងថត Selfies នោះទេ ព្រោះនាំឲ្យបាំងអ្នកផ្សេងមើលអ្វីមិនឃើញ។

៥. អារ៉ាប៊ីសាអ៊ូឌីត: ហាមថត Selfies ក្នុងក្រុង Mecca

ប្រមុខសាសនានៅទីក្រុងនេះថ្លែងថា ការផ្ដោតអារម្មណទៅលើការថត Selfies នេះ ខណៈខ្លួនកំពុងបដិបត្តិសាសនា គឺហាក់ដូចជាធ្វើឲ្យបែកខ្លួនចេញពីការគោរពប្រតិបត្តិសាសនាទៅវិញ។

៥. ទីក្រុង Pamplona, អេស្ប៉ាញ: កុំប្រថុយ ប្រយ័ត្នមានស្អីរត់ជាន់

មន្ត្រីរដ្ឋាភិបាលបានហាមមិនឲ្យអ្នកទេសចរណ៍ថតរូប Selfies ក្នុងអំឡុងវិធីបុណ្យ "ពង្រត់គោ" ប្រចាំឆ្នាំនោះទេ ព្រោះដើម្បីបង្ការកុំឲ្យសត្វទាំងនោះជាន់។

៦. ឆ្នេរ Garoupe, ប្រទេសបារាំង: មិនមែនជាតំបន់ថត Selfies ឡើយ

អាជ្ញាធរបានដាក់បម្រាមមិនឲ្យថត Selfies ពីរសប្ដាហ៍នៃខែសីហា ដែលជាពេលសម្រាកមានមនុស្សទៅលេងឆ្នេរច្រើនខ្លាំង ក្នុងគោលបំណងចង់បង្កើតឆ្នេរនេះជាឋានសួគ៌មួយ កុំឲ្យអ្នកទៅលេងឃើញតែមនុស្សថតមុខ ជើង ឬដងខ្លួនខ្លួនឯងគ្រប់ពេលវេលា។

៧. ទីក្រុងញីវយ៉ក: ថត Selfies សត្វគឺខុសច្បាប់

ការថត Selfies ជាមួយសត្វគឺត្រូវបានហាមដោយច្បាប់។ កាលពីខែកុម្ភៈនាពេលកន្លងទៅ ទីក្រុងញីវយ៉ក សហរដ្ឋអាមេរិកបានហាមមិនឲ្យថតជាមួយសត្វខ្លា តោ ឬពពួកសត្វឆ្មារធំជាច្រើនទៀត។

-អានអត្ថបទ៖ អ្នកម្ដាយស៊ីអារម្មណ៍ម្នាក់នេះ ស្អាតឡើងកក្រើកអ៊ីនធឺណិត

ប្រភព៖ foxnews, mirror