“The Boy Next Door” ភាពយន្តក្ដៅសាច់បំផុតសម្រាប់ Jennifer Lopez

2015-01-31 19:24:10
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងសម្ដែងអាមេរិក Jennifer Lopez បានទទួលស្គាល់ថា ភាពយន្តថ្មី "The Boy Next Door” គឺជាភាពយន្តមានឈុតស្នេហារោលរាលបំផុតដែលនាងធ្លាប់ថតក្នុងជីវិតនេះ។

ក្នុងការសម្ភាសន៍ក្នុងកម្មវិធី HuffPost Live កាលពីពេលថ្មីៗនេះ តារាចម្រៀង និងសម្ដែងវ័យ ៤៥ឆ្នាំ បាននិយាយអំពីឈុតស្នេហាក្នុងរឿងថ្មីដែលខ្លួនបានសម្ដែងនេះថា "ឈុតនេះប្រហែលជាឈុតរោលរាលបំផុត ដែលខ្ញុំធ្លាប់សម្ដែង។ ខ្ញុំគិតថា ឈុតនេះគឺជាឈុតសំខាន់បំផុត ព្រោះវាជាឈុតដែលកំណត់ពីសាច់រឿងបន្តបន្ទាប់ទៀតក្នុងភាពយន្ត"។

សម្រាប់ខ្សែភាពយន្ត "The Boy Next Door” J.Lo បានសម្ដែងជាតួគ្រូវិទ្យាល័យម្នាក់ឈ្មោះ Claire ដែលជួបប្រទះបញ្ហាជាច្រើន ក្រោយពីបង្កាត់ភ្លើងស្នេហ៍ជាមួយបុរសវ័យក្មេងម្នាក់ជាអ្នកជិតខាង សម្ដែងដោយតារាវ័យ ២៧ឆ្នាំ Ryan Guzman។

ភាពយន្តនេះ បានចេញបញ្ចាំងនៅអាមេរិកកាលពីសប្ដាហ៍មុន និងបានជាប់ចំណាត់ថ្នាក់លេខពីរភ្លាមៗលើតារាង Box Office ដោយអាចរកចំណូលបាន ១៦លានដុល្លារ ក្នុងរយៈពេលចុងសប្ដាហ៍មុន។

“The Boy Next Door” ក៏មានចាក់បញ្ចាំងហើយដែររោងភាពយន្តផ្លាទីនៀម ផ្សារទំនើបសុរិយា ដោយកំណត់អាយុអ្នកទស្សនាចាប់ពី ១៨ឆ្នាំឡើងទៅ ៕

http://youtu.be/0BttJca9kHQ

ប្រែសម្រួល៖ វ៉ាន់ថន ប្រភព៖usmagazine